കേരളത്തിന്റെ നവോഥാന പ്രവര്‍ത്തനങ്ങളുടെ തുടര്‍ച്ച ഉറപ്പാക്കാന്‍ ഗ്രന്ഥശാലകള്‍ക്ക് കഴിയും. തിന്മക്കും അനീതിക്കുമെതിരെയുള്ളതാണ് ഗ്രന്ഥശാല പ്രസ്ഥാനം. അറിവിന് എതിരായ ശക്തികളാണ് ഗ്രന്ഥശാലകളെ ആക്രമിക്കുന്നതെന്നും അത്തരം ഘട്ടങ്ങളില്‍ ഗ്രന്ഥശാലകള്‍ ശക്തിയാര്‍ജിച്ച് തിരിച്ച് വന്നിട്ടുണ്ടെന്നും മുഖ്യമന്ത്രി പറഞ്ഞു. യുവാക്കളെയും കുട്ടികളെയും സ്ത്രീകളെയും ഗ്രന്ഥശാലകളുടെ പ്രവര്‍ത്തനങ്ങളില്‍ ആകര്‍ഷിക്കാനാകണം. ഇല്ലാത്തിടങ്ങളില്‍ ഗ്രന്ഥശാലകള്‍ സ്ഥാപിക്കാന്‍ ആവശ്യമായ നടപടി സ്വീകരിക്കണമെന്നും അതിന് സര്‍കാരിന്റെ പൂര്‍ണ പിന്തുണയുണ്ടാകുമെന്നും മുഖ്യമന്ത്രി ഉറപ്പു നല്‍കി.
മണ്ഡലത്തിലെ എട്ടു പഞ്ചായതിലെ എല്ലാ വാര്‍ഡുകളിലും ഗ്രന്ഥശാലകള്‍ സ്ഥാപിച്ചതിന്റെ ഭാഗമായാണ് സമ്പൂര്‍ണ ലൈബ്രറി മണ്ഡലം പ്രഖ്യാപനം മുഖ്യമന്ത്രി നിര്‍വഹിച്ചത്. ഇതോടെ മണ്ഡലത്തിലെ 132 പഞ്ചായത് വാര്‍ഡുകളിലും ഗ്രന്ഥശാലകള്‍ സ്ഥാപിച്ചു. ഡോ. വി ശിവദാസന്‍ എംപിയുടെ നേതൃത്വത്തില്‍ പീപിള്‍സ് മിഷന്‍സ് ഫോര്‍ സോഷ്യല്‍ ഡെവലപ്‌മെന്റ് എന്ന മിഷന്‍ രൂപീകരിച്ചാണ് പദ്ധതി യാഥാര്‍ഥ്യമാക്കിയത്. ജില്ലയിലെ മുഴുവന്‍ തദ്ദേശസ്വയംഭരണ സ്ഥാപനങ്ങളിലെ വാര്‍ഡുകളിലും ഗ്രന്ഥശാലകള്‍ സ്ഥാപിക്കാനുള്ള പ്രവര്‍ത്തനങ്ങള്‍ ഈ മിഷന്റെ നേതൃത്വത്തില്‍ നടക്കും.
പിണറായി ബാങ്ക് ഹോളില്‍ നടന്ന ചടങ്ങില്‍ ഡോ. വി ശിവദാസന്‍ എം പി അധ്യക്ഷത വഹിച്ചു. മുഖ്യമന്ത്രിയുടെ മണ്ഡലം പ്രതിനിധി പി ബാലന്‍, ജില്ലാ പഞ്ചായത് അംഗം കോങ്കി രവീന്ദ്രന്‍, തലശേരി ബ്ലോക് പഞ്ചായത് പ്രസിഡണ്ട് സി പി അനിത, പഞ്ചായത് പ്രസിഡണ്ടുമാരായ കെ കെ രാജീവന്‍, എന്‍ കെ രവി, കെ ഗീത, കെ ദാമോദരന്‍, എ വി ഷീബ, കെ പി ലോഹിതാക്ഷന്‍, ടി സജിത, ബ്ലോക് പഞ്ചായത് അംഗം സി എം സജിത, ലൈബ്രറി കൗണ്‍സില്‍ ജില്ലാ സെക്രടറി പി കെ വിജയന്‍, വിവിധ രാഷ്ട്രീയ പാര്‍ടി പ്രതിനിധികളായ കെ ശശിധരന്‍, സി എന്‍ ചന്ദ്രന്‍, വി എ നാരായണന്‍ എന്നിവര്‍ സംസാരിച്ചു.
Keywords: Latest-News, Kerala, Kannur, Top-Headlines, Pinarayi-Vijayan, Chief Minister, Chief Minister said that libraries unique cultural institutions.
< !- START disable copy paste -->