വൈത്തിരി: (www.kvartha.com) ലക്കിടിയില്‍ ബസ് കയറിയിറങ്ങി പത്തൊമ്പതുകാരന് ദാരുണാന്ത്യം. സഹയാത്രികന് പരുക്കേറ്റു. ബുധനാഴ്ച രാവിലെ ലക്കിടി ബസ് സ്റ്റോപിനു സമീപമാണ് അപകടം. ബത്തേരി സ്വദേശിയായ കല്‍പഞ്ചേരി പവന്‍ സതീഷാണ് മരിച്ചത്. ബന്ധുവായ പുനലിനാണ് (23) പരുക്കേറ്റത്.
ഇവര്‍ സഞ്ചരിച്ച ബൈക് കാറിന്റെ പുറകിലിടിച്ചു റോഡിലേക്ക് മറിയുകയായിരുന്നു. പിന്നാലെ എതിര്‍ദിശയില്‍നിന്ന് വന്ന കെ എസ് ആര്‍ ടി സി ബസ് പവന്റെ ശരീരത്തിലൂടെ കയറിയിറങ്ങുകയായിരുന്നു. ഗുരുതരമായി പരുക്കേറ്റ പവന്‍ സംഭവ സ്ഥലത്തു തന്നെ മരിച്ചു. പരുക്കേറ്റ പുനലിനെ വൈത്തിരി താലൂക് ആശുപത്രിയില്‍ പ്രവേശിപ്പിച്ചു. പവന്റെ മൃതദേഹം പോസ്റ്റുമോര്‍ടത്തിനായി ആശുപത്രി മോര്‍ചറിയിലേക്ക് മാറ്റി.
Keywords: 19 year old died in road accident, Wayanadu, Injured, Accidental Death, Dead Body, Kerala.