KIIFB projects | തിരൂരിൽ 144 കോടിയുടെ കിഫ്ബി പദ്ധതി പ്രവൃത്തികൾ നടപ്പാക്കുന്നു

തിരുവനന്തപുരം: (www.kvartha.com) കിഫ്ബി അംഗീകാരം നൽകിയ തിരൂർ മണ്ഡലത്തിലെ 144 കോടി രൂപയുടെ വിവിധ പദ്ധതികളുടെ പ്രവൃത്തി ഉദ്ഘാടനം അടുത്ത മാർചിൽ ആരംഭിക്കുമെന്ന് കുറുക്കോളി മൊയ്തീൻ എംഎൽഎ അറിയിച്ചു. തിരുവനന്തപുരം കിഫ്ബി ആസ്ഥാനത്ത് എംഎൽഎയുടെ ആവശ്യമനുസരിച്ച് ചേർന്ന ഉദ്യോഗസ്ഥതല യോഗത്തിൽ തീരുമാനിച്ചതാണിത്.
              
തിരുനാവായ-തവന്നൂർ പുഴ പാലം-53.38 കോടി, തുഞ്ചൻ സ്മാരക ഗവ. കോളജ് കെട്ടിടം-10.29, പടിഞ്ഞാറക്കര-ഉണ്ണിയാൻ ജൻക്ഷൻ തീര ദേശീയ പാത-57.76, എഴൂർ ഗവ.ഹയർസെക്കന്ററി സ്കൂൾ കെട്ടിടം-മൂന്ന് കോടി, തിരൂർ ജി.എ.യു.പി സ്കൂൾ കെട്ടിടം-മൂന്ന് കോടി, പറവണ്ണ ഗവ. വൊകേഷനൽ ഹയർ സെകൻഡറി സ്കൂൾ കെട്ടിടം-മൂന്ന് കോടി, തിരൂർ ഗവ. വൊകേഷനൽ ഹയർ സെകൻഡറി ഗേൾസ് സ്കൂൾ കെട്ടിടം-മൂന്ന് കോടി, തിരൂർ ഗവ. ബോയ്സ് ഹയർ സെകൻഡറി സ്കൂൾ കെട്ടിടം-3.12കോടി, ആതവനാട് ഗവ.ഹൈസ്കൂൾ കെട്ടിടം-മൂന്ന് കോടി, ബിപി അങ്ങാടി ജിഎംയുപി സ്കൂൾ കെട്ടിടം-ഒരു കോടി എന്നിവയാണ് പ്രവൃത്തികൾ.

യോഗത്തിൽ കുക്കോളി മൊയ്തീൻ എംഎൽഎ, കിഫ്ബി സിഇഒ ഡോ. കെഎം അബ്രഹാം, അഡി. സിഇഒ സത്യജിത് രാജൻ, ജെനറൽ മാനജർ പിഎ ഷൈല തുടങ്ങിയവർ പങ്കെടുത്തു.