Ekadashi | ഗുരുവായൂരില് ആദ്യമായി 2 ദിവസം ഏകാദശി; ഡിസംബര് 3, 4 തീയതികളില് ആഘോഷിക്കും
Nov 27, 2022, 10:46 IST
ADVERTISEMENT
ഗുരുവായൂര്: (www.kvartha.com) ഈ വര്ഷത്തെ ഗുരുവായൂര് ഏകാദശി ഡിസംബര് 3, 4 തീയതികളില് ആഘോഷിക്കാന് ദേവസ്വം അധികൃതര് തീരുമാനിച്ചു. ഏകാദശി ഉത്സവ തീയതിയെ സംബന്ധിച്ച് ജ്യോതിഷികള്ക്കിടയിലും ദേവസ്വം ഉദ്യോഗസ്ഥര്ക്കിടയിലും ആശയക്കുഴപ്പം നിലനിന്നിരുന്നു.
ഗുരുവായൂര് ഏകാദശി രണ്ടു ദിവസം ആചരിക്കുമ്പോള് സ്വര്ണക്കോലം എഴുന്നള്ളത്ത് നാല് ദിവസത്തിന് പകരം ഇത്തവണ അഞ്ച് ദിവസമുണ്ടാകും. തുടര്ചയായ 80 മണിക്കൂര് ദര്ശനത്തിനാണ് ക്ഷേത്രം വേദിയാകുക. ഏകാദശി അനുഷ്ഠിക്കുന്നവര്ക്കുള്ള പ്രസാദ ഊട്ട് മൂന്നിനും നാലിനും നടക്കും. ദേവസ്വം നേരത്തേ നിശ്ചയിച്ച 30000 പേര്ക്കുള്ള ഏകാദശിയൂട്ട് രണ്ട് ദിവസമാകുമ്പോള് ഇരട്ടിയാകും.
ദശമി ദിവസമായ ഡിസംബര് രണ്ടിന് പുലര്ചെ മൂന്നിന് ക്ഷേത്രനട തുറന്നാല് ദ്വാദശി ദിവസമായ അഞ്ചിന് രാവിലെ 11 വരെ പൂജകള്ക്കല്ലാതെ ശ്രീലകം അടയ്ക്കില്ല. അഷ്ടമി ദിവസമായ ബുധനാഴ്ച മുതല് വിശിഷ്ഠ സ്വര്ണക്കോലം വിളക്കിന് എഴുന്നള്ളിക്കാന് തുടങ്ങും. നവമി, ദശമി, ഏകാദശി രണ്ടു ദിവസവും വിളക്കിന് സ്വര്ണക്കോലപ്രഭയിലാകും എഴുന്നള്ളത്ത്.
ഗുരുവും വായുവും ചേര്ന്ന് ഗുരുവായൂരപ്പന്റെ പ്രതിഷ്ഠ നടത്തിയ ഏകാദശി നാളിലെ ഉദയാസ്തമയപൂജ വിശേഷതയാണ്. പുരാതനകാലം മുതല് നടന്നുവരുന്ന ചടങ്ങാണിത്. ദേവസ്വം ഏകാദശി ആചരിക്കുന്ന രണ്ടു ദിവസങ്ങളില് ആദ്യ ദിനമായ ഡിസംബര് മൂന്നിന് ഉദയാസ്തമയപൂജ നടത്താനാണ് ദേവസ്വം തീരുമാനിച്ചിട്ടുള്ളത്.
Keywords: News,Kerala,State,Guruvayoor,Guruvayoor Temple,pilgrimage,Religion,Festival,Top-Headlines,Trending, Two Days Guruvayur Temple Ekadashi
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
