Student Died | കലോത്സവദിനത്തില്‍ അപകടം; സ്‌കൂളില്‍ ബസുകള്‍ക്കിടയില്‍ കുടുങ്ങി 9-ാം ക്ലാസ് വിദ്യാര്‍ഥിക്ക് ദാരുണാന്ത്യം
Oct 18, 2022, 08:31 IST
കോഴിക്കോട്: (www.kvartha.com) മുക്കത്ത് ബസുകള്‍ക്കിടയില്‍ കുടുങ്ങി വിദ്യാര്‍ഥിക്ക് ദാരുണാന്ത്യം. കൊടിയത്തൂര്‍ പിടിഎം ഹൈസ്‌കൂള്‍ ഒന്‍പതാം ക്ലാസ് വിദ്യാര്‍ഥി പാഴൂര്‍ മുന്നൂര് തമ്പലങ്ങോട്ട് കുഴി മുഹമ്മദ് ബാഹിശ് (14) ആണ് മരിച്ചത്.
തിങ്കളാഴ്ച വൈകിട്ട് നാലരയോടെ സ്‌കൂള്‍ പരിസരത്ത് വച്ചായിരുന്നു ദാരുണസംഭവം. സ്‌കൂളില്‍ കലോത്സവമായിരുന്നു. ഇതിനിടെയാണ് ആഘോഷത്തിമിര്‍പിലായിരുന്ന സഹപാഠികളെയും അധ്യാപകരെയും കണ്ണീരിലാഴ്ത്തിയ അപകടം നടന്നത്.
നിര്‍ത്തിയിട്ടിരുന്ന ബസുകളില്‍ ഒന്നു മുന്നോട്ട് എടുത്തപ്പോള്‍ പിന്‍ചക്രം കുഴിയില്‍ വീഴുകയും സമീപത്തുണ്ടായിരുന്ന ബസിലേക്ക് ചെരിയുകയുമായിരുന്നുവെന്നാണ് വിവരം. അവിടെയുണ്ടായിരുന്ന ബാഹിശ് ഇതിനിടയില്‍ കുടുങ്ങുകയായിരുന്നു.
ഉടന്‍തന്നെ മെഡികല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പിതാവ്: ബാവ. മാതാവ്: നഫീസ റഹ്മത്ത്. സഹോദരങ്ങള്‍: ഹിബ, ആഇശ ബൈസ.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
