Drugs | മരുന്ന് കുടിക്കും മുമ്പ് ഈ പേരാണോയെന്ന് അറിയുക! കഫ് സിറപ് കുടിച്ച് കുട്ടികൾ മരിച്ചെന്ന ആരോപണങ്ങൾക്കിടെ മറ്റുപല കംപനികളുടെയും മരുന്നുകൾ പരിശോധനയിൽ പരാജയപ്പെട്ടു; വിവരങ്ങൾ പുറത്ത്

ന്യൂഡെൽഹി: (www.kvartha.com) ആഫ്രികൻ രാജ്യമായ ഗാംബിയയിൽ ഇൻഡ്യൻ ഫാർമസ്യൂടികൽ കംപനിയുടെ കഫ് സിറപ് കുടിച്ച് 66 കുട്ടികൾ മരിച്ചെന്ന ആരോപണങ്ങൾക്കിടെ രാജ്യത്ത് മറ്റ് ചില ഫാർമസ്യൂടികൽ കംപനികളുടെ സാംപിളുകൾ നേരത്തെ പരിശോധനയിൽ പരാജയപ്പെട്ടിരുന്നു. സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷൻ (CDSCO) കഴിഞ്ഞ മാസം പുറത്തുവിട്ട റിപോർടിൽ 45 ഓളം മരുന്നുകളുടെ സാംപിളുകൾ ഗുണനിലവാരമില്ലാത്തതാണെന്ന് കണ്ടെത്തി. ഇവയിൽ 13 എണ്ണം ഹിമാചൽ പ്രദേശിലെ നിർമാണ യൂണിറ്റുകളിൽ നിന്നുള്ളതാണ്.
                       
'ദി ട്രിബ്യൂൺ' റിപോർട് പ്രകാരം, ഈ വർഷം മെയ് മാസത്തിൽ, ന്യൂഡെൽഹിയിലെ അസിസ്റ്റന്റ് ഡ്രഗ്‌സ് കൺട്രോളറും ലൈസൻസിംഗ് അതോറിറ്റിയും ഗ്ലെൻമാർക് ഫാർമസ്യൂടികൽസ് ലിമിറ്റഡിനും അതിന്റെ ഒരു മരുന്നായ ടെൽമിസാർടനുമെതിരെ അന്വേഷണം ആരംഭിച്ചിരുന്നു. മൊഹാലി ആസ്ഥാനമായുള്ള ഫാർമസ്യൂടികൽ കംപനിയുടെ ഓഫ്‌ലോക്‌സാസിൻ, ഓർണിഡാസോൾ എന്നീ ആന്റിബയോടിക് സാംപിളുകളും പരിശോധനയിൽ വിജയിച്ചില്ല.

ചണ്ഡീഗഡ് ആസ്ഥാനമായുള്ള കംപനി നിർമിക്കുന്ന ആന്റിബയോടിക് ജെന്റമൈസിൻ ഇൻജക്ഷനും പരിശോധനയിൽ പരാജയപ്പെട്ടു. അടുത്തിടെ, ഹിമാചലിലെ കാലാ എംബിയുടെ നിക്സി ലബോറടറീസ് അതിന്റെ മരുന്നായ അനസ്തേഷ്യ പ്രൊപോഫോൾ ഗുണനിലവാര പരിശോധനയിൽ പരാജയപ്പെട്ടതിനാൽ അന്വേഷണം നേരിടുന്നു. അഞ്ച് രോഗികൾ മരിച്ചതിനെ തുടർന്ന് ചണ്ഡീഗഡ് പിജിഐഎംഇആറിലെ എമർജൻസി വാർഡിൽ നിന്നാണ് സാംപിൾ ശേഖരിച്ചത്. ഈ രോഗികൾക്കെല്ലാം ശസ്ത്രക്രിയയ്ക്ക് മുമ്പ് ഈ മരുന്ന് നൽകിയിരുന്നു. ഈ ബാചിലെ എല്ലാ മരുന്നുകളും പിൻവലിക്കാൻ കംപനിയോട് അധികൃതർ ആവശ്യപ്പെട്ടിട്ടുണ്ട്.

പരിശോധനയിൽ പരാജയപ്പെട്ട മരുന്നുകൾ

താഴെ പറയുന്ന മരുന്നുകളുടെ സാംപിളുകൾ പരിശോധനയിൽ പരാജയപ്പെട്ടതായാണ് CDSCO റിപോർട് ഉദ്ധരിച്ച് ലൈവ് ഹിന്ദുസ്താൻ റിപോർട് ചെയ്യുന്നത്.

Methycobalamin, Alpha Lipoic acid- USV Pvt Ltd. ബാഡി


Methycobalamin, Alpha Lipoic acid- USV Pvt Ltd. Baddi


Paracetamol Tablets - T&G Medicare, Baddi


Paracetamol Tablets- Alco Formulation, Faridabad


Paracetamol Tablets- ANG Lifesciences, Solan


Chlordiazepoxide- Wockhardt, Nalagarh


Amoxicillin-Potassium Clavulanate- Mediwell Bioteh solan


Vitamin D3 Chewable tablets- Maxtar Biogenics, Nalagarh


Ofloxacin and Ornidazole tablets- Amkon Pharmaceuticals, Mohali


Lvermectin dispersible Tablets- Plena Remedies, Baddi


Itraconazole Capsules- Theon Pharmaceuticals, Baddi


Gentamicin Injection- BM Pharmaceuticals, Chandigharh


Mefenamic acid tablets- Navkar Lifesciences, Baddi


Aluminium hydroxide- Biogenetic Drugs Pvt Ltd. Baddi