ഇങ്ങനെ 72,000 രൂപ ലഭിക്കും
ഈ പദ്ധതിയിൽ രജിസ്റ്റർ ചെയ്യുന്നതിന്, നിങ്ങൾക്ക് ബാങ്ക് അകൗണ്ട് അല്ലെങ്കിൽ ജൻധൻ അകൗണ്ടും ആധാർ കാർഡും ഉണ്ടായിരിക്കണം. ഏതാനും മിനിറ്റുകൾക്കുള്ളിൽ തന്നെ രജിസ്ട്രേഷൻ പ്രക്രിയ പൂർത്തിയാകും. സ്കീം അനുസരിച്ച്, ഒരാൾക്ക് 30 വയസ് പ്രായമുണ്ടെങ്കിൽ, പ്രതിമാസം 100 രൂപ നിക്ഷേപിക്കണം. അതായത് ഒരു വർഷം 1200 രൂപ അടയ്ക്കണം. ഇങ്ങനെ, 60 വയസാകുമ്പോഴേക്കും 36,000 രൂപ സർകാരിൽ നിക്ഷേപിക്കപ്പെടും.
ഇതിന്റെ അടിസ്ഥാനത്തിൽ, നിങ്ങൾക്ക് എല്ലാ മാസവും 3000 രൂപ പെൻഷൻ ലഭിക്കും. നിങ്ങൾക്ക് എന്തെങ്കിലും സംഭവിച്ചാൽ നോമിനിയായ പങ്കാളിക്ക് ഈ പെൻഷന്റെ പകുതി, അതായത് 1500 രൂപ എല്ലാ മാസവും ലഭിക്കും. ഭാര്യയും ഭർത്താവും ഇതിൽ പങ്കാളികളായാൽ ഇരുവർക്കും പ്രതിമാസം 6000 രൂപ വീതം പെൻഷൻ ലഭിക്കും. അതായത് രണ്ടുപേർക്കുമായി പ്രതിവർഷം 72000 രൂപ ലഭിക്കും.
വരുമാനം വർധിച്ചേക്കാം
ഭാവി സുരക്ഷിതമാക്കാൻ നിങ്ങൾക്കും കേന്ദ്ര സർകാരിന്റെ ഈ പദ്ധതിയുടെ ഭാഗമാകാം. ഈ സ്കീം പ്രയോജനപ്പെടുത്തുന്നതിന്, പ്രായം 18 - 40 വയസിനുള്ളിൽ ആയിരിക്കണം. ദേശീയ പെൻഷൻ പദ്ധതിയുടെ പ്രധാന ലക്ഷ്യം വിരമിച്ച ശേഷം എല്ലാ നിക്ഷേപകർക്കും പെൻഷൻ തുക നൽകുക എന്നതാണ്. ഈ സ്കീമിന് കീഴിൽ, നിക്ഷേപകർക്ക് അവരുടെ സാമ്പത്തിക സ്ഥിതി അനുസരിച്ച് നിക്ഷേപിക്കാം. കൂടാതെ നിങ്ങൾ താഴെപ്പറയുന്ന തൊഴിൽ മേഖലയിൽ ഉൾപെട്ടവരായിരിക്കണം: വീട്ടുജോലിക്കാർ, വഴിയോര കച്ചവടക്കാർ, ഉച്ചഭക്ഷണ തൊഴിലാളി, ചുമട്ട് തൊഴിലാളി, ഇഷ്ടിക ചൂളയിലെ തൊഴിലാളി, ചെരുപ്പുകുത്തുന്നവർ, വീട്ടുജോലിക്കാർ, അലക്കു തൊഴിലാളി, ഭൂരഹിതരായ തൊഴിലാളികൾ, കർഷകത്തൊഴിലാളികൾ, നിർമാണത്തൊഴിലാളികൾ, ബീഡിത്തൊഴിലാളികൾ, കൈത്തറി തൊഴിലാളികൾ, തുകൽ തൊഴിലാളികൾ, സമാനമായ മറ്റ് തൊഴിലുകൾ. രജിസ്റ്റർ ചെയ്യുന്നതിനായി ഏറ്റവും അടുത്തുള്ള അക്ഷയ അല്ലെങ്കിൽ CSC കേന്ദ്രങ്ങളിൽ എത്തുക.
Keywords: Start investing in this government scheme and get ₹72000 pension per year, National, Newdelhi, News, Top-Headlines, Latest-News, Government, Central Government, Pension, Aadhar Card, Registration.
< !- START disable copy paste -->