'സംഘ് ജനങ്ങളേ, ഇനി ത്രിവർണ പതാക സ്വീകരിക്കൂ', കോൺഗ്രസ് നേതാവും വക്താവുമായ പവൻ ഖേര, ആർ‌എസ്‌എസിന്റെയും അതിന്റെ തലവൻ മോഹൻ ഭഗവതിന്റെയും പ്രൊഫൈൽ ഫോടോയുടെ സ്‌ക്രീൻഷോട് പങ്കിട്ട് ട്വീറ്റ് ചെയ്തു. 52 വർഷമായി നാഗ്പൂരിലെ ആസ്ഥാനത്ത് ദേശീയ പതാക ഉയർത്താത്ത സംഘടന, സോഷ്യൽ മീഡിയ അകൗണ്ടിലെ ഡിപി ത്രിവർണ പതാകയാക്കാനുള്ള പ്രധാനമന്ത്രിയുടെ അഭ്യർത്ഥന സ്വീകരിക്കുമോയെന്ന് കോൺഗ്രസ് ജനറൽ സെക്രടറി ജയറാം രമേശ് നേരത്തെ ട്വീറ്റ് ചെയ്തിരുന്നു.
സംഘത്തിന്റെ എല്ലാ ഓഫീസുകളിലും ദേശീയ പതാക ഉയർത്തിയാണ് സ്വാതന്ത്ര്യദിനം ആഘോഷിക്കുന്നതെന്ന് ആർഎസ്എസ് പബ്ലിസിറ്റി വകുപ്പ് കോ-ഇൻചാർജ് നരേന്ദ്ര താകൂർ പറഞ്ഞു. ‘ഹർ ഘർ തിരംഗ’ ക്യാംപയിനിൽ ആർഎസ്എസ് പ്രവർത്തകർ സജീവമായി പങ്കെടുക്കുന്നുണ്ടെന്നും അദ്ദേഹം കൂട്ടിച്ചേർത്തു. ഇത്തരം കാര്യങ്ങൾ രാഷ്ട്രീയവത്കരിക്കരുതെന്ന് ആർഎസ്എസ് പ്രചാരക വിഭാഗം മേധാവി സുനിൽ അംബേകർ നേരത്തെ പറഞ്ഞിരുന്നു. 'ഹർ ഘർ തിരംഗ', 'ആസാദി കാ അമൃത് മഹോത്സവ്' തുടങ്ങിയ പരിപാടികൾക്ക് ആർഎസ്എസ് പിന്തുണ നൽകിയിട്ടുണ്ടെന്നും അദ്ദേഹം വ്യക്തമാക്കി.
Keywords: RSS changes display picture of its social media handles to tricolour ahead of I-Day, National, Newdelhi,News, Top-Headlines, Latest-News, RSS, Twitter, National Flag, Political party, Congress.