.jpg "Patna High Court Withdrawn Suspension Of Judge Shashikant Rai, After SC Interference In Pocso Act")
ശശികാന്ത് റായ് പല കേസുകളിലും വേഗത്തിലുള്ള വിചാരണ നടത്തിയിരുന്നു. കഴിഞ്ഞ വർഷം, പോക്സോ നിയമപ്രകാരം ഒരു ദിവസം കൊണ്ട് അദ്ദേഹം വിധി പ്രസ്താവിക്കുകയും ബലാത്സംഗക്കേസിലെ പ്രതിക്ക് ജീവപര്യന്തം തടവ് ശിക്ഷ ലഭിക്കുകയും ചെയ്തു. ഇതുകൂടാതെ, മറ്റൊരു കേസിൽ, വെറും നാല് ദിവസത്തിനുള്ളിൽ പോക്സോ നിയമപ്രകാരം ഒരു പ്രതിക്ക് വധശിക്ഷ വിധിച്ചിരുന്നു.
ഈ വിഷയം പട്‌ന ഹൈകോടതിയുടെ ശ്രദ്ധയിൽപ്പെട്ടപ്പോൾ ശശികാന്ത് റായിയെ ഉടൻ സസ്പെൻഡ് ചെയ്തു. എന്നാൽ ഹൈകോടതിയുടെ സസ്പെൻഷൻ ഉത്തരവിൽ സുപ്രീം കോടതി അതൃപ്തി രേഖപ്പെടുത്തുകയായിരുന്നു. അദ്ദേഹം കൂടുതൽ ഉത്സാഹിയായ ഉദ്യോഗസ്ഥനാണെന്ന് ഏറ്റവും മികച്ച രീതിയിൽ പറയാമെന്ന് ജസ്റ്റിസുമാരായ യു യു ലളിത്, എസ് രവീന്ദ്ര ഭട്ട് എന്നിവരടങ്ങിയ ബെഞ്ച് നിരീക്ഷിച്ചു.
പട്‌ന ഹൈകോടതിയെ ശാസിച്ച സുപ്രീം കോടതി, ഒരു ഉദ്യോഗസ്ഥനെതിരെ എന്തെങ്കിലും പറഞ്ഞാൽ അത് സ്ഥാപനത്തെ ബാധിക്കുമെന്നും നീതി നൽകുന്ന ന്യായാധിപൻ മാത്രമാണ് ശിക്ഷിക്കപ്പെടുന്നത് എന്ന സന്ദേശം സമൂഹത്തിന് നൽകുന്നതാണ് ഇത്തരം നടപടിയെന്നും വ്യക്തമാക്കി. തീരുമാനം പുനഃപരിശോധിക്കാൻ പാട്‌ന ഹൈകോടതിക്ക് സുപ്രീം കോടതി 10 ദിവസത്തെ സമയം നൽകിയിരുന്നു.
ആരാണ് ശശികാന്ത് റായി?
2007ലാണ് ശശികാന്ത് റായി ബീഹാർ ജുഡീഷ്യൽ സർവീസിൽ ചേർന്നത്. അദ്ദേഹത്തിന് മികച്ച അകാഡമിക്, പ്രൊഫഷണൽ പശ്ചാത്തലമുണ്ട്. 2014ൽ സിവിൽ ജഡ്‌ജായും 2018ൽ ജില്ലാ ജഡ്‌ജായും സ്ഥാനക്കയറ്റം ലഭിച്ചു. പോക്സോ കോടതിയുടെ ചുമതല ലഭിച്ചപ്പോൾ, കുട്ടികളെ ലൈംഗികമായി ദുരുപയോഗം ചെയ്തതുമായി ബന്ധപ്പെട്ട നിരവധി കേസുകൾ അദ്ദേഹം വിചാരണ ചെയ്യുകയും പ്രതികളെ ശിക്ഷിക്കുകയും ചെയ്തു.
Keywords: Patna High Court Withdrawn Suspension Of Judge Shashikant Rai, After SC Interference In Pocso Act, National, Newdelhi, Patna, High Court, Supreme Court, POCSO, Bihar.