കോഴിക്കോട്: (www.kvartha.com) വടകരയില്‍ തെങ്ങ് ദേഹത്തേക്ക് വീണ് നാല് സ്‌കൂള്‍ വിദ്യാര്‍ഥികള്‍ക്ക് പരുക്ക്. പുതിയാപ്പില്‍ നിന്ന് സ്‌കൂളില്‍ പോവുകയായിരുന്ന കുട്ടികള്‍ക്കാണ് പരുക്കേറ്റത്. കാറ്റില്‍ തെങ്ങ് മുറിഞ്ഞ് വീഴുകയായിരുന്നു. ആരുടെയും പരുക്കുകള്‍ ഗുരുതരമല്ല.
രാവിലെ ഈ ഭാഗത്ത് അതിശക്തമായ കാറ്റും മഴയും ഉണ്ടായിരുന്നു. ഈ സമയം വീശിയ കാറ്റില്‍ തെങ്ങ് മുറിഞ്ഞ്, ട്യൂഷന്‍ ക്ലാസിലേക്ക് പോകുകയായിരുന്ന കുട്ടികളുടെ ദേഹത്തേക്ക് വീഴുകയായിരുന്നു. ഉടന്‍തന്നെ പരിസരവാസികളും നാട്ടുകാരും ഓടിയെത്തി കുട്ടികളെ ആശുപത്രിയിലേക്ക് മാറ്റി.
ഇതില്‍ രണ്ട് കുട്ടികളെ കൂടുതല്‍ വൈദ്യപരിശോധനയ്ക്കായി കോഴിക്കോട് മെഡികല്‍ കോളജ് ആശുപത്രിയില്‍ പ്രവേശിപ്പിച്ചു.