ഡോക്ടര്‍മാരുടെ ഒപി പരിശോധന മുതല്‍ ശസ്ത്രക്രിയകള്‍ വരെയുള്ള വിവിധങ്ങളായ മെഡികല്‍ സേവനങ്ങളില്‍ കെകെഎംഎ അംഗങ്ങള്‍ക്ക് ആനുകൂല്യങ്ങള്‍ ലഭ്യമാകും. അംഗങ്ങളോടൊപ്പം തന്നെ അവരുടെ കുടുംബാംഗങ്ങള്‍ക്കും ഈ അനുകൂല്യങ്ങള്‍ ലഭ്യമാകുമെന്നതും നേട്ടമാണ്. ഇതിനായി ഓരോ അംഗത്തിനും അവരുടെയും കുടുംബാംഗങ്ങളുടേയും വിശദവിവരങ്ങള്‍ ഉള്‍ക്കൊള്ളുന്ന പ്രിവിലേജ് കാര്‍ഡ് നൽകും.
'കുവൈറ്റിലെ ഏറ്റവും വലിയ സാംസ്‌കാരിക സംഘടന എന്ന നിലയില്‍ കെകെഎംഎ പൊതു സമൂഹത്തില്‍ ശ്രദ്ധേയമായ ഇടപെടലുകള്‍ നടത്തിക്കൊണ്ടിരിക്കുന്നുണ്ട്. ആസ്റ്ററുമായുള്ള സഹകരണത്തിലൂടെ ഈ ഇടപെടലുകള്‍ കൂടുതല്‍ ഫലപ്രദമായി മുന്‍പിലേക്ക് കൊണ്ടുപോകുവാന്‍ സാധിക്കും എന്ന് മാത്രമല്ല കെകെഎംഎയുടെ അംഗങ്ങള്‍ക്കും അവരുടെ കുടുംബാംഗങ്ങള്‍ക്കും ആരോഗ്യപരമായ സേവനങ്ങള്‍ കൂടുതല്‍ മികവുറ്റ രീതിയില്‍ ലഭ്യമാക്കുവാനും ഈ കൂട്ടായ്മ സഹായകരമാകും', ഫര്‍ഹാന്‍ യാസീന്‍ പറഞ്ഞു.
ഇതുസംബന്ധിച്ച് വിളിച്ചുചേർത്ത വാർത്താസമ്മേളനത്തില്‍ ഫര്‍ഹാന്‍ യാസീന്‍, കെ സിദ്ദീഖ്, ആസ്റ്റര്‍ മിംസ് കണ്ണൂര്‍ ചീഫ് ഓഫ് മെഡികല്‍ സര്‍വീസസ് ഡോ. സൂരജ്, കെകെഎംഎയുടെ പ്രതിനിധികളായ അക്ബര്‍ സിദ്ദീഖ്, എന്‍ എ മുനീര്‍, അബ്ദുൽ ഫത്വാഹ്, കെ ബശീര്‍, റശീദ് സംസം, മുനീർ കുണിയ, സി ഫിറോസ്, എ പി അബ്ദുൽ സലാം എന്നിവര്‍ പങ്കെടുത്തു.