ഇടുക്കി: (www.kvartha.com) സ്വാതന്ത്ര്യദിനാഘഷത്തിനിടെ യുവതിക്ക് പൊലീസ് നായയുടെ കടിയേറ്റതായി പരാതി. വാഴത്തോപ്പ് വടക്കേടത്ത് ഷാന്റി ടൈറ്റസിനാണ് കടിയേറ്റത്. യുവതിയെ മെഡികല്‍ കോളജ് ആശുപത്രിയിലെ ചികിത്സയ്ക്കുശേഷം വിട്ടയച്ചു.
ജില്ലാതല സ്വാതന്ത്ര്യ പരിപാടികളില്‍ പങ്കെടുക്കാനെത്തിയപ്പോഴാണ് യുവതിക്ക് നായയുടെ ആക്രണത്തില്‍ പരിക്കേറ്റത്. സ്വാതന്ത്ര്യ ദിനാഘോഷങ്ങളുടെ അവസാന പരിപാടിയായി ഡോഗ് സ്‌ക്വാഡിന്റെ പ്രത്യേക ഷോ ഉണ്ടായിരുന്നു.
ഷോയ്ക്കിടെ അസ്വസ്ഥനായ നായക്കളിലൊന്നിനെ ഈ നായയെ പരിശീലകര്‍ പുറത്തേക്ക് മാറ്റി. പുറത്തേക്ക് നീങ്ങുന്നതിനിടെ യുവതിയുടെ അരികില്‍ എത്തിയപ്പോള്‍ പൊടുന്നനെ നായ യുവതിയുടെ കൈക്ക് കടിക്കുകയായിരുന്നുവെന്നാണ് വിവരം. ബെല്‍ജിയം മനിലോയിസ് വിഭാഗത്തില്‍പെട്ട നായയാണ് യുവതിയെ കടിച്ചത്.