Tree fell down | റോഡിന് സമീപത്തുണ്ടായിരുന്ന കൂറ്റന് മരം കടപുഴകി വീണു; സ്കൂള് ബസ് ഉള്പെടെ വന് അപകടത്തില് നിന്നും രക്ഷപ്പെട്ടത് തലനാരിഴയ്ക്ക്
Aug 4, 2022, 12:16 IST
ADVERTISEMENT
ആലുവ: (www.kvartha.com) ആലുവ-കാലടി റോഡില് പുറയാര് കവലയില് റോഡിന് സമീപത്തുണ്ടായിരുന്ന കൂറ്റന് മരം കടപുഴകി വീണു. സ്കൂള് ബസ്, യാത്രാ ബസുകള്, നിരവധി വാഹനങ്ങള് എന്നിവ തലനാരിഴയ്ക്കാണ് വന് അപകടത്തില് നിന്നും രക്ഷപ്പെട്ടത്. മരം വീഴുന്നതിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്.
അപകടാവാസ്ഥയില് നിന്നിരുന്ന മരം മുറിച്ചുമാറ്റണമെന്ന് പ്രദേശവാസികള് പലതവണ അധികൃതരോട് ആവശ്യപ്പെട്ടിരുന്നെങ്കിലും നടപടി സ്വീകരിച്ചില്ലെന്ന ആക്ഷേപം ഉയര്ന്നിട്ടുണ്ട്. മഴയും കാറ്റും ശക്തമായതോടെ വ്യാഴാഴ്ച രാവിലെ മരം കടപുഴകി വീഴുകയായിരുന്നു.
ആളപായമില്ലെങ്കിലും വൈദ്യുതി ലൈനുകളടക്കം പൊട്ടിയിട്ടുണ്ട്. ഗതാഗതം തടസപ്പെട്ടു. ഫയര്ഫോഴ്സ് സംഘത്തിന്റേയും നാട്ടുകാരുടേയും നേതൃത്വത്തില് മരം നീക്കാനുള്ള നടപടികള് ആരംഭിച്ചു.
Keywords: Huge tree near main road fell down in Aluva, Aluva, News, CCTV, Vehicles, Accident, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
