കോഴിക്കോട്: (www.kvartha.com) എലത്തൂര് പൊലീസ് സ്റ്റേഷനിലെ സീനിയര് സിവില് പൊലീസ് ഓഫീസറെ വീട്ടില് മരിച്ചനിലയില് കണ്ടെത്തി. കോഴിക്കോട് ഉള്ളിയേരി കീഴ് ആതകശ്ശേരി ബാജു(47)വാണ് മരിച്ചത്.
പുലര്ചെ ഒരുമണിയോടെ കിടപ്പുമുറിയില് ഫാനില് തൂങ്ങിമരിച്ച നിലയില് വീട്ടുകാര് കാണുകയായിരുന്നു. ഉടനെ മൊടക്കല്ലൂര് മെഡികല് കോളജ് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
മൃതദേഹം മൊടക്കല്ലുരില്വച്ച് അത്തോളി പൊലീസ് ഇന്ക്വസ്റ്റ് നടപടികള് പൂര്ത്തിയാക്കിയ ശേഷം പോസ്റ്റുമോര്ടത്തിനായി കോഴിക്കോട് മെഡികല് കോളജ് ആശുപത്രിയിലെ മോര്ചറിയിലേക്ക് മാറ്റി.