അത്ലറ്റിക്സില്‍ വനിതകളുടെ 10,000 മീറ്റര്‍ നടത്തത്തില്‍ പ്രിയങ്ക ഗോസ്വാമി വെള്ളി മെഡല്‍ നേടി. ഇതിന് പിന്നാലെ 3000 മീറ്റര്‍ സ്റ്റീപിള്‍ ചേസില്‍ അവിനാഷ് സാബ്ലെയും വെള്ളി നേടി. ഈ രണ്ട് മെഡലുകളോടെ, അത്ലറ്റിക്സില്‍ ഇന്‍ഡ്യയുടെ മെഡലുകള്‍ നാലായി. നേരത്തെ ഹൈജംപില്‍ തേജസ്വിന്‍ ശങ്കറും ലോങ്ജംപില്‍ മുരളി ശ്രീശങ്കറും മെഡല്‍ നേടിയിരുന്നു. തേജസ്വിന്‍ വെങ്കലവും ശ്രീശങ്കര്‍ വെള്ളിയുമാണ് സ്വന്തമാക്കിയത്. കോമണ്‍വെല്‍ത് ഗെയിംസില്‍ ഒമ്പത് സ്വര്‍ണവും പത്ത് വെള്ളിയും ഒമ്പത് വെങ്കലവും ഉള്‍പെടെ 28 മെഡലുകള്‍ ഇന്‍ഡ്യ ഇതുവരെ നേടിയിട്ടുണ്ട്.
10,000 മീറ്ററില്‍ പ്രിയങ്കയുടെ വിസ്മയ നടത്തം
വനിതകളുടെ 10,000 മീറ്റര്‍ നടത്തത്തില്‍ പ്രിയങ്ക ഗോസ്വാമി 43.38 മിനിറ്റില്‍ പൂര്‍ത്തിയാക്കിയാണ് വെള്ളി നേടിയത്. ഓസ്ട്രേലിയയുടെ ജെമീമ 42.34 മിനിറ്റില്‍ നടന്നെത്തി സ്വര്‍ണം നേടി. അതേ സമയം കെനിയയുടെ എമിലി 43.50.86 മിനിറ്റില്‍ മൂന്നാമതെത്തി. ആദ്യ നാല് മിനിറ്റ് പ്രിയങ്ക മുന്നിലായിരുന്നുവെങ്കിലും പിന്നീട് ഓസ്ട്രേലിയയുടെ ജെമീമ ലീഡ് നേടി.
3000 മീറ്റര്‍ സ്റ്റീപിള്‍ ചേസില്‍ അവിനാശിന്റെ റെകോര്‍ഡ് മെഡല്‍
പുരുഷന്മാരുടെ 3000 മീറ്റര്‍ സ്റ്റീപിള്‍ ചേസില്‍ അവിനാഷ് സാബ്ലെ 8.11.20 മിനിറ്റില്‍ അവിനാഷ് ഓട്ടം പൂര്‍ത്തിയാക്കി. ഇതോടൊപ്പം മൂവായിരം മീറ്റര്‍ ഓട്ടത്തില്‍ പുതിയ ദേശീയ റെകോര്‍ഡും കുറിച്ചു. സ്വര്‍ണമെഡല്‍ ജേതാവ് എബ്രഹാം കിബിവോട്ടിന് 0.5 സെക്കന്‍ഡ് പിന്നിലായിരുന്നു അദ്ദേഹം. 8.11.15 മിനിറ്റില്‍ കെനിയയുടെ എബ്രഹാം ഓട്ടം പൂര്‍ത്തിയാക്കി. അതേ സമയം കെനിയയുടെ തന്നെ അമോസ് സെറെം 8.16.83 മിനിറ്റില്‍ ഓട്ടം പൂര്‍ത്തിയാക്കി വെങ്കലം നേടി.
ക്രികറ്റില്‍ വനിതകളുടെ തേരോട്ടം
വനിതകളുടെ ക്രികറ്റില്‍ സെമിഫൈനല്‍ മത്സരത്തില്‍ ഇന്‍ഗ്ലണ്ടിനെ നാല് റണ്‍സിനാണ് ഇന്‍ഡ്യ പരാജയപ്പെടുത്തിയത്. ടോസ് നേടി ആദ്യം ബാറ്റ് ചെയ്ത ഇന്‍ഡ്യ നിശ്ചിത 20 ഓവറില്‍ അഞ്ച് വികറ്റ് നഷ്ടത്തില്‍ 164 റണ്‍സെടുത്തു. ഇന്‍ഡ്യയ്ക്കായി ടി മന്ദാന 32 പന്തില്‍ 61 റണ്‍സും ജെമീമ റോഡ്രിഗസ് 31 പന്തില്‍ 44 റണ്‍സും നേടി. മറുപടി ബാറ്റിംഗിനിറങ്ങിയ ഇന്‍ഗ്ലണ്ടിന് 20 ഓവറില്‍ ആറ് വികറ്റ് നഷ്ടത്തില്‍ 160 റണ്‍സെടുക്കാനേ കഴിഞ്ഞുള്ളൂ. ഇന്‍ഡ്യക്കായി സ്നേഹ് റാണ രണ്ട് വികറ്റ് വീഴ്ത്തി.
Keywords: Latest-News, World, Top-Headlines, Commonwealth-Games, Sports, India, Cricket, England, Commonwealth Games 2022, Commonwealth Games Day 9, India Women's Cricket Team Beat England, Priyanka, Avinash, CWG, Commonwealth Games Day 9: India Women's Cricket Team Beat England, Enters Finals; Silver for Priyanka, Avinash.
< !- START disable copy paste -->