അശ്രദ്ധമൂലമുള്ള മരണത്തിനാണ് ഇരുവര്‍ക്കുമെതിരെ കേസെടുത്തിരിക്കുന്നത്. മരണപ്പെട്ട റോസി സാങ്മയുടെ ബന്ധുവായ സാമുവല്‍ സാങ്മ, മെഡികല്‍ അശ്രദ്ധയാണെന്ന് സംശയിച്ച് ഡോക്ടര്‍മാരുമായും മറ്റ് ആശുപത്രി ജീവനക്കാരുമായും വാക്കേറ്റമുണ്ടായയി തൊട്ടടുത്ത ദിവസം (ജൂണ്‍ 25) സാമുവലിന്റെ മരണവുമായി ബന്ധപ്പെട്ട് ഡെല്‍ഹി പൊലീസിന് വിവരം ലഭിച്ചെന്നും ആഭ്യന്തര മന്ത്രാലയം പുറത്തിറക്കിയ പ്രസ്താവനയില്‍ പറയുന്നു.
യോനിയില്‍ രക്തസ്രാവമുണ്ടായിരുന്ന ഗുരുതരമായ രോഗിയെ ചികിത്സിച്ചത് ഒരു ദന്തഡോക്ടറാണ് എന്നതില്‍ നിന്നും ആശുപത്രിയുടെയും ഡോക്ടര്‍മാരുടെയും കടുത്ത അനാസ്ഥ വ്യക്തമാണെന്നും സിബിഐ പ്രാഥമിക അന്വേഷണത്തില്‍ പറയുന്നു. ജൂണ്‍ 24 ന് കഠിനമായ രക്തസ്രാവവും വേദനയും കാരണം റോസിയെ ആശുപത്രിയില്‍ പ്രവേശിപ്പിച്ചു, അഷ്‌കിനെ നോക്കാന്‍ നിയോഗിച്ചു. പ്രധാന ഡോക്ടര്‍ ബിസ്നോയ് നാലര മണിക്കൂര്‍ കഴിഞ്ഞാണ് എത്തിയതെന്നും പ്രാഥമിക അന്വേഷണത്തില്‍ കണ്ടെത്തി.
'റോസിയുടെ ഗുരുതരാവസ്ഥയെക്കുറിച്ച് ബിസ്നോയിയെ അറിയിച്ചെങ്കിലും സ്ത്രീ സംബന്ധമായ പ്രശ്നങ്ങള്‍ കൈകാര്യം ചെയ്യാന്‍ പരിചയമില്ലാത്ത ദന്തരോഗ വിദഗ്ധനായ ആഷ്‌കിന് കേസ് കൈകാര്യം ചെയ്യാന്‍ അദ്ദേഹം നിര്‍ദ്ദേശം നല്‍കിയതായി അന്വേഷണത്തില്‍ തെളിഞ്ഞു. സംഭവ ദിവസം രാവിലെ 10.45 ന് ബിസ്നോയ് റോസിയുടെ ബന്ധുക്കളോട് അത്യാഹിതമായതിനാല്‍ ബ്ലഡ് ബാങ്കില്‍ നിന്ന് രക്തം കൊണ്ടുവരാന്‍ ആവശ്യപ്പെട്ടു. ഗുരുതരാവസ്ഥയിലായിരുന്ന രോഗി മരിച്ചെന്ന് അറിയിച്ച് ബിജ്വാസന്‍ പൊലീസ് സ്റ്റേഷന്‍ എസ്എച്ഒയ്ക്ക് ബിസ്നോയി കത്തയച്ചു.
പിന്നീട് മറ്റൊരു വിവരത്തില്‍, സംശയാസ്പദമായ വിഷബാധയെക്കുറിച്ചും അവിശ്വസനീയമായ എന്തോ നടന്നെന്നും അത അവളുടെ മരണത്തിന് കാരണമായി അയാള്‍ പൊലീസിനോട് പറഞ്ഞു, കൂടാതെ അവള്‍ ചികിത്സയോട് പ്രതികരിച്ചില്ലെന്നും അവകാശപ്പെട്ടു. കൂടുതല്‍ ചികിത്സയ്ക്കായി സിവില്‍ ആശുപത്രിയിലേക്ക് റഫര്‍ ചെയ്തിരിക്കുകയാണെന്നും പറഞ്ഞു. ഡോക്ടര്‍ പ്രസ്താവിച്ച വിവരങ്ങള്‍ ശരിയല്ലെന്നും യഥാര്‍ത്ഥ വിവരങ്ങള്‍ ഉച്ചയ്ക്ക് 1.30 ന് രേഖപ്പെടുത്തിയിട്ടുണ്ടെന്നും സിബിഐ കണ്ടെത്തി.
ബിസ്നോയ് റോസിയുടെ ഡിസ്ചാര്‍ജ് കാര്‍ഡ് തയ്യാറാക്കി, രാവിലെ 6 മണിക്ക് അഡ്മിറ്റ് ചെയ്യുന്ന സമയവും 12 മണിക്ക് റഫറല്‍ ചെയ്യുന്ന സമയവും സൂചിപ്പിച്ചു, കൂടാതെ രക്തപ്പകര്‍ച്ച, ഗുരുതരാവസ്ഥ, രോഗിയുടെ ശ്വാസംമുട്ടല്‍ എന്നിവ ഉള്ളതിനാല്‍ ഉയര്‍ന്ന കേന്ദ്രത്തിലേക്ക് റഫര്‍ ചെയ്യുന്നതിനെക്കുറിച്ചും പരാമര്‍ശിച്ചു, പക്ഷേ തുടര്‍ചികിത്സയ്ക്ക് എന്തെങ്കിലും ആശുപത്രിയിലേക്ക് റഫര്‍ ചെയ്തില്ല', ഉദ്യോഗസ്ഥർ വിശദീകരിച്ചു.
എംപി അഗത സാംഗ്മ ആഭ്യന്തരമന്ത്രി അമിത് ഷായ്ക്ക് നല്‍കിയ പരാതിയില്‍ നാഗാലാന്‍ഡിലെ ദിമാപൂര്‍ സ്വദേശികളായ റോസിയുടെയും അനന്തരവന്‍ സാമുവലിന്റെയും ദുരൂഹമരണത്തെക്കുറിച്ച് അന്വേഷിക്കാന്‍ ആഭ്യന്തര മന്ത്രാലയം കഴിഞ്ഞ വര്‍ഷം സിബിഐയോട് നിര്‍ദേശിച്ചിരുന്നു. ആശുപത്രിയിലെ അനാസ്ഥ മൂലമാണ് റോസി മരിച്ചതെന്നാണ് കുടുംബത്തിന്റെ ആരോപണം. ആശുപത്രി ജീവനക്കാരുടെ മോശം ഇടപെടല്‍ മൂലമാണ് സാമുവല്‍ മരിച്ചതെന്നും കേന്ദ്ര ആഭ്യന്തര മന്ത്രാലയത്തിന്റെ പ്രസ്താവനയില്‍ പറയുന്നു.
റോസിക്ക് ആരോഗ്യപ്രശ്‌നങ്ങളുണ്ടെന്നും ചികിത്സയ്ക്കായി ആശുപത്രിയില്‍ കൊണ്ടുപോയെന്നും അവിടെവെച്ച് അവര്‍ മരിച്ചെന്നും അഗത സാംഗ്മ ഷായ്ക്ക് അയച്ച കത്തില്‍ വിശദീകരിച്ചു. ആശുപത്രിയിലെ ചികിത്സാ അനാസ്ഥയാണ് സാമുവല്‍ ആരോപിച്ചതെന്നും അമ്മായിയുടെ മരണത്തിലേക്ക് നയിച്ച സംഭവങ്ങളില്‍ പരാതി നല്‍കിയിട്ടുണ്ടെന്നും എംപി എഴുതി. 'അടുത്ത ദിവസം, സാമുവലിനെ ഹോടല്‍ മുറിയില്‍ തൂങ്ങിമരിച്ച നിലയില്‍ കണ്ടെത്തി, അവന്റെ മരണത്തിലേക്ക് നയിച്ചത് അനാവശ്യ ഇടപെടലുകളാണെന്ന സംശയം ജനിപ്പിച്ചു. പ്രഥമദൃഷ്ട്യാ, ഇത് ആസൂത്രിതമായ നരഹത്യയാണെന്ന് തോന്നുന്നു, രണ്ട് പേരുടെ മരണത്തിലേക്ക് നയിച്ച സത്യം പുറത്തുകൊണ്ടുവരാന്‍ പരമോന്നത ഏജന്‍സിയുന്റെ അന്വേഷണം ആവശ്യമാണ്,' എംപി പറഞ്ഞു.
ആവശ്യമായ അന്വേഷണം എത്രയും വേഗം ആരംഭിക്കണമെന്നും രാജ്യത്തെ നിയമത്തിന് അനുസൃതമായി കുറ്റകൃത്യം ചെയ്തവരെ കണ്ടെത്തി റോസിയുടെയും സാമുവലിന്റെയും കുടുംബത്തിന് നീതി ലഭ്യമാക്കണമെന്നും' മേഘാലയയില്‍ നിന്നുള്ള എംപി സാംഗ്മ , അമിത് ഷായോട് ആവശ്യപ്പെട്ടിരുന്നു.
Keywords: Latest-News, National, Top-Headlines, CBI, Hospital, Doctor, Case, Crime, Air hostess' gynecological issue treated by dentist at Gurugram hospital; CBI books doctors.
< !- START disable copy paste -->