UGC Scholarship | ഉപരിപഠനം നടത്തുന്ന വിദ്യാർഥികൾക്ക് അവസരം: യുജിസി ഈ 4 സ്കോളർഷിപുകൾക്ക് അപേക്ഷ ക്ഷണിച്ചു; അവസാന തീയതി ഒക്ടോബർ 31

ന്യൂഡെൽഹി: (www.kvartha.com) ഉപരിപഠനം നടത്തുന്ന വിദ്യാർഥികൾക്കായി യൂനിവേഴ്സിറ്റി ഗ്രാന്റ്സ് കമീഷൻ (UGC) നാല് സ്കോളർഷിപ് പദ്ധതികൾക്കായി അപേക്ഷ ക്ഷണിച്ചു. വടക്ക് കിഴക്കൻ മേഖലയ്ക്കുള്ള ഇഷാൻ ഉദയ് സ്പെഷ്യൽ സ്‌കോളർഷിപ്, ഒറ്റ പെൺകുട്ടികൾക്കുള്ള പിജി ഇന്ദിരാഗാന്ധി സ്‌കോളർഷിപ്, യൂണിവേഴ്‌സിറ്റി റാങ്ക് ഹോൾഡർമാർക്കുള്ള പിജി സ്‌കോളർഷിപ്, പ്രൊഫഷണൽ കോഴ്‌സുകൾ പഠിക്കുന്ന എസ്‌സി, എസ്ടി വിദ്യാർഥികൾക്കുള്ള പിജി സ്‌കോളർഷിപ് എന്നിവയാണിത്. വിദ്യാർഥികൾക്ക് നാഷനൽ സ്കോളർഷിപ് പോർടലിന്റെ (NSP) ഔദ്യോഗിക വെബ്‌സൈറ്റ് scholarships(dot)gov(dot)in സന്ദർശിച്ച് അപേക്ഷിക്കാം. അവസാന തീയതി ഒക്ടോബർ 31 ആണ്.
                      

                     

1. ഒറ്റപെൺകുട്ടികൾക്ക് യുജിസി പിജി ഇന്ദിരാഗാന്ധി സ്കോളർഷിപ്

യോഗ്യത: യുജിസി അംഗീകൃത സ്ഥാപനത്തിൽ ബിരുദാനന്തരബിരുദത്തിന് ഒന്നാം വർഷത്തിൽ പ്രവേശനം നേടിയ ഒറ്റപ്പെൺകുട്ടികളായിട്ടുള്ള വിദ്യാർഥികൾക്കുള്ള സ്കോളർഷിപാണിത്.

തുക: പ്രതിവർഷം 36,200 രൂപ ലഭിക്കും.

തെരഞ്ഞെടുക്കൽ പ്രക്രിയ: ഓരോ വർഷവും 3000 പുതിയ സ്കോളർഷിപുകൾ നൽകും. ഈ സ്കോളർഷിപ് ലഭിക്കുന്ന പെൺകുട്ടികൾക്ക് സ്കോളർഷിപ് കാലയളവിൽ മറ്റ് സ്കോളർഷിപുകളും ലഭിക്കും.


2. യൂനിവേഴ്സിറ്റി റാങ്ക് ഹോൾഡർമാർക്കുള്ള പിജി സ്കോളർഷിപ്


യോഗ്യത: ഒരു സർവകലാശാലയുടെ ബിരുദതലത്തിൽ ഒന്നും രണ്ടും റാങ്കുകൾ കരസ്ഥമാക്കുകയും ബിരുദാനന്തര ബിരുദ കോഴ്‌സുകളിൽ പ്രവേശനം നേടുകയും ചെയ്ത വിദ്യാർഥികൾക്ക് സ്കോളർഷിപിന് അർഹതയുണ്ട്.


തുക: പ്രതിമാസം 3100 രൂപ ലഭിക്കും.


3. എസ്‌സി, എസ്ടി സ്‌കോളർഷിപ്


യോഗ്യത: യുജിസി അംഗീകൃത സ്ഥാപനത്തിൽ പ്രൊഫഷണൽ കോഴ്‌സിന് പഠിക്കുന്ന എസ്‌സി/എസ്ടി വിദ്യാർഥികൾക്ക് സ്‌കോളർഷിപിന് അർഹതയുണ്ട്.

തുക: ME, MTech കോഴ്സുകൾക്ക് വിദ്യാർഥികൾക്ക് പ്രതിമാസം 7800 രൂപയും മറ്റ് കോഴ്സുകൾക്ക് 4500 രൂപയും ലഭിക്കും.


4. യുജിസി ഇഷാൻ ഉദയ് സ്കോളർഷിപ്

യോഗ്യത: എല്ലാ സ്രോതസുകളിൽ നിന്നുമുള്ള കുടുംബ വാർഷിക വരുമാനം പ്രതിവർഷം 4.5 ലക്ഷം രൂപയിൽ കവിയാത്ത വടക്കുകിഴക്കൻ സംസ്ഥാനങ്ങളിൽ നിന്നുള്ള വിദ്യാർഥികൾക്ക് ഈ യുജിസി സ്കോളർഷിപിന് അപേക്ഷിക്കാം.


തുക: ജനറൽ ഡിഗ്രി കോഴ്സുകൾക്ക് പ്രതിമാസം 5,400 രൂപയും സാങ്കേതിക, മെഡികൽ, പ്രൊഫഷണൽ, പാരാമെഡികൽ കോഴ്സുകൾക്ക് 7,800 രൂപയും ലഭിക്കും.

Keywords: 4 UGC scholarships open for applications, Newdelhi, News, Top-Headlines, Education, Students, Website, National, Scholarship, Courses.

< !- START disable copy paste -->