Murder Case | 33 കാരനെ വെടിവെച്ച് കൊലപ്പെടുത്തിയെന്ന കേസില്‍ 19 കാരി അറസ്റ്റില്‍
Aug 15, 2022, 11:58 IST
ADVERTISEMENT
മസ്ഖിറ്റ്: (www.kvartha.com) 33 കാരനെ വെടിവെച്ച് കൊലപ്പെടുത്തിയെന്ന കേസില്‍ 19 കാരി അറസ്റ്റില്‍. ലൂസിയാനയിലെ ന്യൂ ഓര്‍ലിയന്‍സില്‍ നിന്നുള്ള ജബാറി വാള്‍ടറാണു വെടിയേറ്റു മരിച്ചത്. സംഭവവുമായി ബന്ധപ്പെട്ട് ഡാലസ് മസ്‌കിറ്റില്‍ നിന്നുള്ള മിഷേല്‍ ജോണ്‍സനാണ് അറസ്റ്റിലായത്. ആഗസ്ത് 11 ന് ശനിയാഴ്ചയായിരുന്നു സംഭവം.
സംഭവത്തെ കുറിച്ച് പൊലീസ് പറയുന്നത്:
രാത്രി 10.30ന് വിവരം അറിഞ്ഞു സ്ഥലത്തെത്തുമ്പോള്‍ ഉദരത്തില്‍ വെടിയേറ്റു വാള്‍ടര്‍ രക്തത്തില്‍ കുളിച്ചു നിലത്ത് അബോധാവസ്ഥയില്‍ കിടക്കുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
വെടിവയ്പിന്റെ ശബ്ദം കേട്ടതായും ഒരു വാഹനം അവിടെ നിന്ന് ഓടിച്ചു പോകുന്നതായും ദൃക്‌സാക്ഷികള്‍ പറഞ്ഞു. വാഹനത്തെ പിന്തുടര്‍ന്നാണു യുവതിയെ പിടികൂടിയത്.
എന്നാല്‍ വാര്‍ടറും മിഷേലും തമ്മിലുള്ള ബന്ധം എന്തായിരുന്നുവെന്നു വ്യക്തമല്ല. അറസ്റ്റിലായ മിഷേലിനെ മസ്ഖിറ്റ് ജയിലിലേക്കു മാറ്റി.
Keywords: 19-year-old charged with Mesquite murder, New York, News, Murder, Arrested, Police, World.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
