എന്നാലിതിന് മാറ്റം വരുത്തിക്കൊണ്ട്, രണ്ട് സ്മാർട് ഫോണുകൾക്കിടയിലുള്ള ചാറ്റ് സമന്വയ (Chat sync) ഫീചർ വാട്സ്ആപ് ഇപ്പോൾ പരീക്ഷിക്കുകയാണെന്ന റിപോർടുകൾ പുറത്തുവരികയാണ്. രണ്ട് വ്യത്യസ്ത മൊബൈൽ ഫോൺ ഉപകരണങ്ങളിൽ ഒരേ അകൗണ്ട് ഉപയോഗിക്കാമെന്നും നിങ്ങളുടെ എല്ലാ സന്ദേശങ്ങളും സ്വയമേവ സമന്വയിപ്പിക്കുമെന്നുമാണ് ഈ ഫീചർ അർഥമാക്കുന്നത്. ഡെസ്ക്ടോപിൽ ക്യൂ ആർ കോഡ് സ്‌കാൻ ചെയ്ത് ഉപയോഗിക്കുന്നത് പോലെയാകും രണ്ടാമതൊരു ഫോണിലും വാട്സ്ആപ് അകൗണ്ട് ഉപയോഗിക്കാൻ കഴിയുകയെന്നാണ് അറിയുന്നത്.
ആൻഡ്രോയിഡിനുള്ള വാട്സ്ആപ് 2.22.15.13 ബീറ്റാ പതിപ്പിൽ ഈ ഫീചർ പരീക്ഷണ ഘട്ടത്തിലാണെന്ന് WABetainfo റിപോർട് ചെയ്തു. പ്രൈമറി ഫോണിലെ ചാറ്റിന്റെ വലുപ്പം അനുസരിച്ച്, നിരവധി ചാറ്റുകൾ ഉണ്ടെങ്കിൽ, രണ്ടാമത്തെ ഫോണുമായുള്ള ചാറ്റ് സമന്വയത്തിന് കുറച്ച് സമയമെടുത്തേക്കാമെന്നും കുറിപ്പിൽ പരാമർശിക്കുന്നു. ഉപയോക്താക്കൾക്ക് ഏറെ ഉപകാരം ചെയ്യുന്ന ഈ ഫീചർ എപ്പോൾ എല്ലാവർക്കും ലഭ്യമായി തുടങ്ങുമെന്ന് വ്യക്തമല്ല.