ആദ്യ ഗെയിം വിജയിച്ച സൈന രണ്ടാം ഗെയിമിൽ വൻ മാർജിനിൽ പരാജയപ്പെട്ടു. എന്നാൽ അടുത്ത മത്സരത്തിൽ ഉജ്വലമായി തിരിച്ചുവന്നു. ബുധനാഴ്ച നടന്ന ആദ്യ റൗൻഡിൽ 34 മിനിറ്റ് നീണ്ടുനിന്ന മത്സരത്തിൽ മാളവിക ബൻസോദിനെ തോൽപിച്ചാണ് സൈന രണ്ടാം റൗൻഡിലെത്തിയത്.
മറുവശത്ത്, ഇൻഡ്യൻ ജോഡികളായ അർജുൻ എംആർ-ധ്രുവ് കപില എന്നിവർ പുരുഷന്മാരുടെ ഡബിൾസ് വിഭാഗത്തിൽ രണ്ടാം റൗൻഡിൽ വിജയിച്ച് ക്വാർടർ ഫൈനലിൽ തങ്ങളുടെ സ്ഥാനം ഉറപ്പിച്ചു. മലേഷ്യൻ ജോഡികളായ ഗോഹ് സെ ഫെയ്- നൂർ ഇസ്സുദ്ദീൻ എന്നിവരെയാണ് തോൽപിച്ചത്. ഒരു മണിക്കൂറും അഞ്ച് മിനിറ്റും നീണ്ടുനിന്ന മത്സരത്തിൽ 18-21, 24-22, 21-18 എന്ന സ്‌കോറിനാണ് അർജുൻ-കപില സഖ്യം എതിരാളികളെ കീഴടക്കിയത്. ആദ്യ ഗെയിം തോറ്റെങ്കിലും രണ്ടും മൂന്നും ഗെയിമുകൾ ജയിച്ചാണ് ഇൻഡ്യൻ സഖ്യം തിരിച്ചുവന്നത്.
നേരത്തെ നടന്ന മത്സരത്തിൽ രണ്ട് തവണ ഒളിംപിക്‌സ് മെഡൽ ജേതാവായ പി വി സിന്ധുവും ഫോമിലുള്ള എച് എസ് പ്രണോയിയും ക്വാർടർ ഫൈനലിൽ കടന്നിരുന്നു.
Keywords: Singapore, News, Top-Headlines, Sports, India, Saina Nehwal, Singapore-Open, Badminton, Players, Singapore Open 2022: Saina Nehwal and Arjun-Kapila duo advance to quarterfinals.