പാലക്കാട്: (www.kvartha.com) കെ എസ് ആര്‍ ടി സി ബസ് പന്നിയങ്കര ടോള്‍ പ്ലാസയിലേക്ക് ഇടിച്ചു കയറി അപകടം. സംഭവത്തില്‍ 20 പേര്‍ക്ക് പരിക്കേറ്റു. രാവിലെ 7.45ന് ആണ് അപകടം സംഭവിച്ചത്. തൃശൂര്‍ ഭാഗത്ത് നിന്ന് കോയമ്പതൂരിലേക്ക് പോയ ബസാണ് അപകടത്തില്‍പെട്ടത് .
ടോള്‍ പ്ലാസയുടെ മുമ്പിലെ ഡിവൈഡറിലേക്കാണ് വാഹനം ഇടിച്ച് കയറിയത്. അപകടത്തില്‍ പരിക്കേറ്റവരെ തൃശൂര്‍ മെഡികല്‍ കോളജ് ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് ആശുപത്രി അധികൃതര്‍ അറിയിച്ചു.