Booster Dose | സംസ്ഥാനത്ത് 18 വയസിന് മുകളില് പ്രായമുള്ളവര്ക്ക് സൗജന്യ കരുതല് ഡോസ് ആരംഭിച്ചതായി ആരോഗ്യ വകുപ്പ്
Jul 15, 2022, 16:48 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സംസ്ഥാനത്ത് 18 വയസിന് മുകളില് പ്രായമുള്ളവര്ക്ക് സൗജന്യ കരുതല് ഡോസ് ആരംഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ഇതുവരെ 60 വയസിന് മുകളിലുള്ളവര്ക്കും ആരോഗ്യ പ്രവര്ത്തകര്ക്കും മുന്നണി പോരാളികള്ക്കുമാണ് സൗജന്യ കരുതല് ഡോസ് നല്കിയിരുന്നത്.
വെള്ളിയാഴ്ച ആകെ 1002 കോവിഡ് വാക്സിനേഷന് കേന്ദ്രങ്ങളാണ് പ്രവര്ത്തിച്ചത്. 12 വയസിന് മുകളിലുള്ള കുട്ടികള്ക്കായി 97 വാക്സിനേഷന് കേന്ദ്രങ്ങളും 15 വയസിന് മുകളിലുള്ളവര്ക്കായി 249 കേന്ദ്രങ്ങളും 18 വയസിന് മുകളിലുള്ളവര്ക്കായി 656 കേന്ദ്രങ്ങളുമാണ് പ്രവര്ത്തിച്ചത്. സംസ്ഥാനത്ത് ഇപ്പോഴും കോവിഡ് കുറഞ്ഞിട്ടില്ല. അതിനാല് തന്നെ എല്ലാവരും കോവിഡ് മാര്ഗനിര്ദേശങ്ങള് കൃത്യമായി പാലിക്കണം. ഇതോടൊപ്പം വാക്സിനിലൂടെ പ്രതിരോധവും നേടണം. വാക്സിനെടുക്കാന് ശേഷിക്കുന്നവര് വാക്സിനെടുക്കേണ്ടതാണെന്നും മന്ത്രി വ്യക്തമാക്കി.
12 മുതല് 14 വരെ പ്രായമുള്ള 71 ശതമാനം കുട്ടികള്ക്ക് ആദ്യ ഡോസ് വാക്സിനും 36 ശതമാനം കുട്ടികള്ക്ക് രണ്ടാം ഡോസും നല്കിയിട്ടുണ്ട്. 15 മുതല് 17 വരെ പ്രായമുള്ള 85 ശതമാനം കുട്ടികള്ക്ക് ആദ്യ ഡോസ് വാക്സിനും 59 ശതമാനം കുട്ടികള്ക്ക് രണ്ടാം ഡോസും നല്കിയിട്ടുണ്ട്. 18 വയസിന് മുകളിലുള്ള 89 ശതമാനം പേര്ക്ക് രണ്ടാം ഡോസും 10 ശതമാനം പേര്ക്ക് കരുതല് ഡോസും നല്കിയതായും മന്ത്രി പറഞ്ഞു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
