ബുധനാഴ്ച ചേര്‍ന്ന മന്ത്രിസഭായോഗമാണ് ഇതുസംബന്ധിച്ച തീരുമാനം എടുത്തത്. വ്യാഴാഴ്ചയാണ് ഉത്തരവ് പുറത്തിറങ്ങിയത്. കൃഷി വകുപ്പ് സെക്രടറി സ്ഥാനത്തേക്കാണ് അദ്ദേഹത്തെ മാറ്റിയത്. രാജന്‍ ഖൊബ്രഗഡെയാണ് കെ എസ് ഇ ബിയുടെ പുതിയ ചെയര്‍മാന്‍.
ബി അശോകുമായി സി പി എം അനുകൂല സംഘടനയായ കെ എസ് ഇ ബി ഓഫിസേഴ്സ് അസോസിയേഷന്‍ നേതൃത്വത്തിന് അസ്വാരസ്യമുണ്ടായിരുന്നു. അശോക് കെ എസ് ഇ ബി ചെയര്‍മാന്‍ സ്ഥാനത്തേക്ക് വന്നിട്ട് ഒരുകൊല്ലം മാത്രമേ ആയിട്ടുള്ളൂ. അതിനിടെ സ്വീകരിച്ച പല നടപടികളും യൂനിയനുകളെ പ്രകോപിപ്പിച്ചിരുന്നു. സി പി എമിന്റെ ശക്തമായ സമ്മര്‍ദത്തേത്തുടര്‍ന്നാണ് അശോകിനെ മാറ്റിയതെന്നാണ് സൂചന.
Keywords: B Ashok Removed From KSEB Chairman Post, Thiruvananthapuram, News, KSEB, Politics, Controversy, CPM, Cabinet, Kerala.