Accidental Death | കെട്ടിടം പണിക്കായി തറ കീറുന്നതിനിടെ മണ്ണിടിഞ്ഞ് 2പേര്‍ മരിച്ചു

തിരുവനന്തപുരം: (www.kvartha.com) നെടുമങ്ങാട് കെട്ടിടം പണിക്കായി തറ കീറുന്നതിനിടെ മണ്ണിടിഞ്ഞ് രണ്ടുപേര്‍ മരിച്ചു. നെടുമങ്ങാട് കരകുളത്ത് കെല്‍ട്രോള്‍ ജന്‍ക്ഷന് സമീപം ഉച്ചയ്ക്ക് 12.15 ഓടെയാണ് അപകടം നടന്നത്. ഊരൂട്ടമ്പലം സ്വദേശികളായ വിനയചന്ദ്രന്‍(36), ഷിബു എന്നിവരാണ് മരിച്ചത്.

ആശുപത്രി കെട്ടിടത്തിനുള്ള നിര്‍മാണ ജോലിയിലായിരുന്നു തൊഴിലാളികള്‍. ഉയര്‍ന്ന പ്രദേശത്ത് നിന്ന് മണ്ണ് താഴേക്ക് ഇടിയുകയായിരുന്നു. കൂടെയുണ്ടായിരുന്ന മറ്റു തൊഴിലാളികള്‍ രക്ഷപ്പെടുത്താനുള്ള ശ്രമം നടത്തിയെങ്കിലും രണ്ടുപേരുടേയും ജീവന്‍ രക്ഷിക്കാനായില്ല.

ഒരാളുടെ മൃതദേഹം നെടുമങ്ങാട് ജില്ലാ ആശുപത്രിയിലും ഒരാളുടെ മൃതദേഹം പേരൂര്‍ക്കടയിലെ ആശുപത്രിയിലുമാണ് സൂക്ഷിച്ചിരിക്കുന്നത്. നെടുമങ്ങാട് പൊലീസ് കേസെടുത്തു.

Keywords: 2 people died in a landslide while tearing up the floor for construction, Thiruvananthapuram, News, Accidental Death, Dead Body, Hospital, Police, Kerala.