Re-auction fixed | ഗുരുവായൂര്‍ ക്ഷേത്രത്തിന് മഹീന്ദ്ര കംപനി വഴിപാടായി നല്‍കിയ ഥാര്‍ ജീപ് ലേലത്തില്‍ പോയി; ലഭിച്ചത് റെകോര്‍ഡ് തുക
Jun 6, 2022, 15:18 IST
തൃശൂര്‍: (www.kvartha.com) ഗുരുവായൂര്‍ ക്ഷേത്രത്തിന് മഹീന്ദ്ര കംപനി വഴിപാടായി നല്‍കിയ ഥാര്‍ ജീപ് ഒടുവില്‍ ലേലത്തില്‍ പോയി. റെകോര്‍ഡ് തുകയാണ് ജീപിന് ലഭിച്ചത്. ദുബൈയിലെ ബിസിനസുകാരന്‍ വിഘ്‌നേഷ് വിജയകുമാര്‍ 43 ലക്ഷം രൂപയ്ക്കാണ് ഥാര്‍ ലേലത്തില്‍ പിടിച്ചത്. കഴിഞ്ഞ ഡിസംബര്‍ നാലിനു വഴിപാടായി ലഭിച്ച വാഹനം ഡിസംബര്‍ 18ന് തന്നെ ലേലം ചെയ്തിരുന്നു.
അമല്‍ മുഹമ്മദ് അലി എന്ന പ്രവാസി വ്യവസായി 15.10 ലക്ഷം രൂപയ്ക്കാണ് അന്നു കാര്‍ ലേലത്തിനെടുത്തത്. അമല്‍ മുഹമ്മദ് അലി എന്ന പ്രവാസി വ്യവസായിക്ക് വേണ്ടി സുഭാഷ് പണിക്കര്‍ എന്ന വ്യക്തി മാത്രമാണ് അന്ന് ലേലത്തില്‍ പങ്കെടുത്തത്. എന്നാല്‍, ഒരാള്‍ മാത്രം പങ്കെടുത്ത ലേലത്തിനെതിരെ ഹിന്ദുസേവാ സംഘം ഹൈകോടതിയെ സമീപിക്കുകയായിരുന്നു. തുടര്‍ന്ന് ആദ്യ ലേലം റദ്ദാക്കി വീണ്ടും ലേലം ചെയ്യാന്‍ തീരുമാനിക്കുകയായിരുന്നു.
15 പേര്‍ പങ്കെടുത്ത ലേലത്തില്‍ ആദ്യ റൗന്‍ഡില്‍ തന്നെ ലേലത്തുക 33 ലക്ഷം കടന്നു. മഞ്ജുഷ എന്നയാള്‍ 40.50 ലക്ഷം രൂപയ്ക്ക് ലേലം വിളിച്ചതോടെ ലേലം ഉറച്ചെന്നു കരുതിയെങ്കിലും വിഘ്‌നേഷ് വിജയകുമാര്‍ വിളിച്ച 43 ലക്ഷത്തിനു ഥാര്‍ ഉറപ്പിച്ചു. ലേലത്തുകയ്ക്ക് പുറമെ ജിഎസ്ടിയും അടയ്‌ക്കേണ്ടി വരും.
Keywords: Vignesh Vijayakumar now owns Thar donated to Guruvayur, re-auction fixed at Rs 43 lakh, Thrissur, News, Guruvayoor Temple, Vehicles, Auction, Trending, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
