46 Migrants Found Dead | അമേരികയില്‍ ഉപേക്ഷിച്ച ട്രകിനുള്ളില്‍ 42 മൃതദേഹങ്ങള്‍; മരിച്ചവരെല്ലാം അഭയാര്‍ഥികളാണെന്നും ഇവര്‍ ഏത് രാജ്യക്കാരാണെന്നതില്‍ വ്യക്തത വന്നിട്ടില്ലെന്നും അധികൃതര്‍
Jun 28, 2022, 17:24 IST
സാന്‍ അന്റോനിയോ: (www.kvartha.com) അമേരികയിലെ ടെക്‌സസില്‍ ട്രകിനുള്ളില്‍ 42 മൃതദേഹങ്ങള്‍ കണ്ടെത്തി. അമേരിക-മെക്‌സികോ അതിര്‍ത്തിയായ സെന്‍ അന്റോനിയോയിലാണ് ഉപേക്ഷിക്കപ്പെട്ട ട്രകിനുള്ളില്‍ മൃതദേഹങ്ങള്‍ കണ്ടെത്തിയത്.
മരണപ്പെട്ടവരെല്ലാം അഭയാര്‍ഥികളാണെന്നും ഇവര്‍ ഏത് രാജ്യക്കാരാണെന്നതില്‍ വ്യക്തത വന്നിട്ടില്ലെന്നും അതിര്‍ത്തിയില്‍ മനുഷ്യക്കടത്തുമായി ബന്ധപ്പെട്ട് അടുത്തിടെ ഉണ്ടായ ഏറ്റവും വലിയ അത്യാഹിതമാണെന്നും അധികൃതര്‍ പറഞ്ഞു.
അമേരികയിലേക്ക് കടക്കാനുള്ള ശ്രമത്തിനിടെ കടുത്ത ചൂട് മൂലം ഇവര്‍ കുഴഞ്ഞുവീണ് മരിച്ചതാവാമെന്നാണ് നിഗമനം. 39.4 ഡിഗ്രിയായിരുന്നു സെന്‍ അന്റോനിയയിലെ താപനില. ട്രകിനുള്ളില്‍ കുടിക്കാന്‍ വെള്ളമുണ്ടായിരുന്നില്ലെന്നും മരിച്ചവര്‍ക്കെല്ലാം നിര്‍ജലീകരണം സംഭവിച്ചിരുന്നെന്നും മാധ്യമങ്ങള്‍ റിപോര്‍ട് ചെയ്തു. നാല് കുട്ടികള്‍ ഉള്‍പെടെ 16 പേരെ ആശുപത്രിയില്‍ പ്രവേശിപ്പിച്ചു.
അതിര്‍ത്തിയില്‍നിന്ന് 250 കിലോമീറ്റര്‍ അകലെയാണ് ട്രക് കണ്ടെത്തിയത്. തിങ്കളാഴ്ച വൈകിട്ട് ആറ് മണിയോടെ ട്രകിനുള്ളില്‍ നിന്ന് സഹായത്തിനുള്ള നിലവിളികള്‍ കേട്ട ചില തൊഴിലാളികളാണ് വിവരം പൊലീസിനെ അറിയിച്ചത്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
