6 Airbags mandatory | എട്ട് സീറ്റുള്ള വാഹനങ്ങളില്‍ ആറ് എയര്‍ബാഗുകള്‍ നിര്‍ബന്ധമാക്കുമെന്ന് കേന്ദ്രമന്ത്രി നിതിന്‍ ഗഡ്കരി; '2024ഓടെ ഇന്‍ഡ്യയിലെ റോഡുകളിലെ അടിസ്ഥാനസൗകര്യം അമേരികയ്ക്ക് തുല്യമാക്കും'

ന്യൂഡെല്‍ഹി: (www.kvartha.com) യാത്രക്കാരുടെ സുരക്ഷ വര്‍ധിപ്പിക്കുന്നതിനായി എട്ട് യാത്രക്കാര്‍ക്ക് സഞ്ചരിക്കാവുന്ന മോടോര്‍ വാഹനങ്ങളില്‍ കുറഞ്ഞത് ആറ് എയര്‍ബാഗുകളെങ്കിലും സര്‍കാര്‍ നിര്‍ബന്ധമാക്കുമെന്ന് കേന്ദ്രമന്ത്രി നിതിന്‍ ഗഡ്കരി പറഞ്ഞു. ഇത് സംബന്ധിച്ച് കാര്‍ നിര്‍മാതാക്കള്‍ക്ക് നിര്‍ദേശം നല്‍കും. രാജ്യത്തൊട്ടാകെയുള്ള അഞ്ച് ലക്ഷം അപകടങ്ങളിലായി ഓരോ വര്‍ഷവും ഏകദേശം 1.5 ലക്ഷം പേര്‍ മരിക്കുന്നതായി ഇന്റല്‍ ഇന്‍ഡ്യയുടെ സേഫ്റ്റി പയനിയേഴ്സ് കോണ്‍ഫറന്‍സ് 2022-നെ അഭിസംബോധന ചെയ്ത് ഗഡ്കരി പറഞ്ഞു. 'മോടോര്‍ വാഹനങ്ങളില്‍ കുറഞ്ഞത് ആറ് എയര്‍ബാഗുകളെങ്കിലും നല്‍കുന്നത് നിര്‍ബന്ധമാക്കാന്‍ ഞങ്ങള്‍ തീരുമാനിച്ചു. ജനങ്ങളുടെ ജീവന്‍ രക്ഷിക്കാന്‍ സര്‍കാര്‍ ആഗ്രഹിക്കുന്നു,' കേന്ദ്ര റോഡ് ഗതാഗത, ഹൈവേ മന്ത്രി വ്യക്തമാക്കി.
                              
Latest-News, National, Top-Headlines, Vehicles, Car, Central Government, Minister, Passengers, Motor Vehicles, 6 Airbags Mandatory, Nitin Gadkari, Six airbags to be made mandatory in eight-seater vehicles: Nitin Gadkari.

മോടോര്‍ വാഹന യാത്രക്കാരുടെ സുരക്ഷ വര്‍ധിപ്പിക്കുന്നതിന്, 1989 ലെ സെന്‍ട്രല്‍ മോടോര്‍ വെഹികിള്‍സ് റൂള്‍സ് (സിഎംവിആര്‍) ഭേദഗതി ചെയ്ത് സുരക്ഷാ സവിശേഷതകള്‍ വര്‍ധിപ്പിക്കാന്‍ തീരുമാനിച്ചതായി ജനുവരിയില്‍ റോഡ് ഗതാഗത, ഹൈവേ മന്ത്രാലയം അറിയിച്ചിരുന്നു. ജനുവരി 14-ന് ഒരു കരട് വിജ്ഞാപനം പുറപ്പെടുവിച്ചു, 2022 ഒക്ടോബര്‍ ഒന്നിന് ശേഷം നിര്‍മിക്കുന്ന കാറ്റഗറി എം1 വാഹനങ്ങളില്‍ മുന്‍ നിരയിലെ ഔട് ബോര്‍ഡ് ഇരിപ്പിടങ്ങളില്‍ ഇരിക്കുന്ന ആളുകള്‍ക്ക് ഓരോന്നും രണ്ട് വശങ്ങള്‍/വശങ്ങളില്‍ ടോര്‍സോ എയര്‍ ബാഗുകള്‍ ഘടിപ്പിക്കണം എന്നതും നിര്‍ബന്ധമാക്കുന്നു. രണ്ട് വശങ്ങളിൽ കര്‍ടന്‍/ട്യൂബ് എയര്‍ ബാഗുകള്‍, ഔട്ബോര്‍ഡ് സീറ്റിംഗ് പൊസിഷനുകളില്‍ ഇരിക്കുന്ന വ്യക്തികള്‍ക്ക് ഒന്ന് വീതവും എയർബാഗുകൾ വേണമെന്ന് കരടില്‍ പറഞ്ഞിരുന്നു.

കൂട്ടിയിടിക്കുമ്പോള്‍ ഡ്രൈവര്‍ക്കും വാഹനത്തിന്റെ ഡാഷ്ബോര്‍ഡിനും ഇടയില്‍ പ്രവര്‍ത്തിക്കുകയും അതുവഴി ഗുരുതരമായ പരിക്കുകള്‍ തടയുകയും ചെയ്യുന്ന നിയന്ത്രണ സംവിധാനമാണ് എയര്‍ബാഗ്. 'ഞങ്ങള്‍ക്ക് ഓടോമൊബൈല്‍ വ്യവസായം ഉള്‍പെടെ എല്ലാവരില്‍ നിന്നും സഹകരണം ആവശ്യമാണ്.' മന്ത്രി പറഞ്ഞു. ഉയര്‍ന്ന നികുതിയും കര്‍ശനമായ സുരക്ഷാ, മലിനീകരണ മാനദണ്ഡങ്ങളും തങ്ങളുടെ ഉല്‍പന്നങ്ങള്‍ ചിലവേറിയതാക്കിയെന്ന ആശങ്ക ഓടോമൊബൈല്‍ വ്യവസായം ഉയര്‍ത്തുന്ന പശ്ചാത്തലത്തിലാണ് അദ്ദേഹത്തിന്റെ പരാമര്‍ശം.

എല്ലാ ആഗോള ഓടോമൊബൈല്‍ ബ്രാന്‍ഡുകളും രാജ്യത്ത് ലഭ്യമാണെന്ന് ഗഡ്കരി ചൂണ്ടിക്കാട്ടി. സുരക്ഷിതമായ റോഡുകള്‍ വളരെ പ്രധാനമാണെന്ന് സൂചിപ്പിച്ച അദ്ദേഹം മോടോര്‍ വാഹന നിയമം ഫലപ്രദമായി നടപ്പാക്കുന്നത് വെല്ലുവിളിയാണെന്ന് സമ്മതിച്ചു. 2024ഓടെ ഇന്‍ഡ്യയിലെ റോഡുകളിലെ അടിസ്ഥാനസൗകര്യം അമേരികയ്ക്ക് തുല്യമാക്കുമെന്ന് മന്ത്രി ആവര്‍ത്തിച്ചു.

Keywords: Latest-News, National, Top-Headlines, Vehicles, Car, Central Government, Minister, Passengers, Motor Vehicles, 6 Airbags Mandatory, Nitin Gadkari, Six airbags to be made mandatory in eight-seater vehicles: Nitin Gadkari.
< !- START disable copy paste -->

Post a Comment

Previous Post Next Post