Fishermen Arrested | നിയമ ലംഘനം ആരോപിച്ച് ഒമാനില്‍ മീന്‍ പിടുത്തതൊഴിലാളികളെ അറസ്റ്റ് ചെയ്തു; പിടിയിലായവര്‍ക്കെതിരെ തുടര്‍ നടപടികള്‍ സ്വീകരിച്ചതായി അധികൃതര്‍
Jun 17, 2022, 17:21 IST
മസ്ഖത്: (www.kvartha.com) മീന്‍ പിടുത്ത നിയമങ്ങള്‍ ലംഘിച്ചെന്നാരോപിച്ച് ഒമാനില്‍ മീന്‍ പിടുത്തതൊഴിലാളികളെ അറസ്റ്റ് ചെയ്തു. നമ്പറുകളില്ലാത്ത നാല് ബോടുകളില്‍ നിന്ന് 18 തൊഴിലാളികളെ അറസ്റ്റ് ചെയ്തതായും നിയമ വിരുദ്ധമായി മീന്‍പിടുത്തത്തിന് ഉപയോഗിക്കുന്ന ഉപകരണങ്ങളും ലൈസന്‍സില്ലാത്ത വലകളും പിടിച്ചെടുത്തിട്ടുണ്ടെന്നും അധികൃതര്‍ പറഞ്ഞു.
ജനറല്‍ ഡയറക്ടറേറ്റ് ഓഫ് അഗ്രികള്‍ചറല്‍ വെല്‍ത് ഫിഷറീസ് ആന്‍ഡ് വാടര്‍ റിസോഴ്‌സസിന്റെ നേതൃത്വത്തില്‍ ദോഫാര്‍ ഗവര്‍നറേറ്റിലായിരുന്നു പരിശോധന. ഗവര്‍നറേറ്റിന്റെ വിവിധ ഭാഗങ്ങളില്‍ നിരവധി നിയമലംഘനങ്ങള്‍ കണ്ടെത്തിയതായി അധികൃതര്‍ പുറത്തിറക്കിയ പ്രസ്താവനയില്‍ അറിയിച്ചു. അറസ്റ്റിലായ എല്ലാവര്‍ക്കുമെതിരെ തുടര്‍ നടപടികള്‍ സ്വീകരിച്ചതായും കൂട്ടിച്ചേര്‍ത്തു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
