Hospital Ceilings Collapsed | മന്ത്രി കെട്ടിടം ഉദ്ഘാടനം ചെയ്തിട്ട് 2 മാസം; പത്തനാപുരത്ത് ആയുര്വേദാശുപത്രിയുടെ സീലിങ്ങ് തകര്ന്നു വീണു
Jun 17, 2022, 10:37 IST
കൊല്ലം: (www.kvartha.com) പത്തനാപുരത്ത് ആശുപത്രിയുടെ സീലിങ്ങ് തകര്ന്നു വീണു. തലവൂര് ആയുര്വേദ ആശുപത്രിയിലെ സീലിങ്ങുകളാണ് തകര്ന്നത്. ആരോഗ്യ മന്ത്രി വീണാ ജോര്ജ് രണ്ട് മാസം മുമ്പ് ഉദ്ഘാടനം ചെയ്ത കെട്ടിടത്തിലാണ് സംഭവം.
കഴിഞ്ഞ രാത്രി 10 മണിയോടെയാണ് സീലിങ്ങ് തകര്ന്നു വീണതെന്ന് അധികൃതര് അറിയിച്ചു. അപകടസമയത്ത് രോഗികളോ ജീവനക്കാരോ ഈ ഭാഗത്ത് ഉണ്ടായിരുന്നില്ല. അതിനാല് നാശനഷ്ടങ്ങളൊഴിച്ചാല് കൂടുതല് അപകടമൊന്നും സംഭവിച്ചില്ല.
കെ ബി ഗണേഷ് കുമാര് എംഎല്എയുടെ ആസ്തി വികസന ഫന്ഡില് നിന്നും മൂന്ന് കോടി രൂപ ചിലവിലാണ് ആശുപത്രിക്കായി പുതിയ കെട്ടിടം നിര്മിച്ചത്. ഈ കെട്ടിടമാണ് അപകടഭീഷണി ഉയര്ത്തിയിരിക്കുന്നത്. നേരത്തെ കെട്ടിടം വൃത്തിയായി സൂക്ഷിക്കാത്തതിനെ ചൊല്ലി എംഎല്എയും ഡോക്ടര്മാരും തമ്മില് തര്ക്കമുണ്ടായിരുന്നു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.