Manju Warrier in 'AK 61' | അജിത് നായകനായെത്തുന്ന 'എകെ 61' ചിത്രത്തില്‍ മഞ്ജു വാര്യരും; ചിത്രീകരണം പൂനെയില്‍

ചെന്നൈ: (www.kvartha.com) അജിത് നായകനായെത്തുന്ന 'എകെ 61' ചിത്രത്തില്‍ മഞ്ജു വാര്യര്‍ എത്തുന്നു. വലിമൈയുടെ വിജയത്തിന് ശേഷം എച് വിനോദും നടന്‍ അജിത്തും ഒന്നിക്കുന്ന ടീമിനൊപ്പം എകെ 61' ടീമിനൊപ്പം മഞ്ജു വാര്യര്‍ അഭിനയിക്കുമെന്നാണ് റിപോര്‍ട്. ഈ വാര്‍ത്ത ആവേശത്തോടെയാണ് ആരാധകര്‍ ഏറ്റെടുത്തത്. ഇപ്പോഴിതാ പൂനെയില്‍ ആരംഭിക്കുന്ന അടുത്ത ചിത്രീകരണത്തിലേക്കും ജോയിന്‍ ചെയ്യുന്നുവെന്നാണ് റിപോര്‍ടുകള്‍. ഹൈദരാബാദിലെ ഷെഡ്യൂള്‍ പൂര്‍ത്തിയാക്കിയതോടെ ഇനി ചിത്രീകരണം നടക്കാനിരിക്കുന്നത് പൂനെയിലാണ്.


ഒരു കവര്‍ചയെ അടിസ്ഥാനമാക്കി കഥ പറയുന്ന എകെ 61ല്‍ ഒരു പ്രധാന കഥാപാത്രത്തെയാകും മഞ്ജു വാര്യര്‍ അവതരിപ്പിക്കുക എന്നാണ് റിപോര്‍ട്. ബോണി കപൂറാണ് ചിത്രത്തിന്റെ നിർമാണം. വെട്രിമാരന്‍ സംവിധാനം ചെയ്ത അസുരന് ശേഷം മഞ്ജു അഭിനയിക്കുന്ന തമിഴ് ചിത്രം കൂടിയാകും ഇത്.
സന്തോഷ് ശിവന്‍ സംവിധാനം നിര്‍വഹിച്ച ജാക് ആൻഡ്ജില്‍ ആണ് മഞ്ജു വാര്യരുടേതായി ഒടുവില്‍ പുറത്തിറങ്ങിയ ചിത്രം. മഞ്ജുവിന്റെ അടുത്ത ചിത്രം മഹേഷ് വെട്ടിയാര്‍ സംവിധാനം ചെയ്യുന്ന വെള്ളരി പട്ടണം റിലീസിനായി കാത്തിരിക്കുന്നു.