Crime | വിവാഹ മോചനം ആവശ്യപ്പെട്ട് ഭര്തൃസഹോദരന് ക്രൂരമായി മര്ദിച്ചതായി പരാതി; യുവതി ഗുരുതരാവസ്ഥയില് ആശുപത്രിയില്; യുവാവ് കസ്റ്റഡിയില്
Jun 4, 2022, 11:50 IST
ADVERTISEMENT
തിരുവനന്തപുരം: (www.kvartha.com) യുവതിയെ ഭര്ത്താവിന്റെ സഹോദരന് ക്രൂരമായി മര്ദിച്ചതായി പരാതി. കാട്ടാക്കടയിലാണ് സംഭവം. വിവാഹ മോചനം ആവശ്യപ്പെട്ടാണ് കട്ടക്കോട് സ്വദേശി ആശയെ ഭര്ത്താവ് ബൈജുവിന്റെ ജ്യേഷ്ഠന് ബിജു ക്രൂരമായി ആക്രമിച്ചതെന്ന് പരാതിയില് പറയുന്നു. യുവതിയെ ഗുരുതരാവസ്ഥയില് മെഡികല് കോളജില് പ്രവേശിപ്പിച്ചു. ആന്തരിക രക്തസ്രാവം ഉണ്ടായിട്ടുണ്ടെന്ന് ആശുപത്രി അധികൃതര് അറിയിച്ചു.
വെള്ളിയാഴ്ച ഉച്ചതിരിഞ്ഞ് മൂന്നിനായിരുന്നു സംഭവമുണ്ടായത്. യുവതി ജോലി ചെയ്തിരുന്ന ചാരുപാറയിലെ ഡ്രൈവിങ് സ്കൂളില് എത്തിയാണ് ഭര്ത്താവിന്റെ സഹോദരന് ആക്രമിച്ചതെന്ന് പൊലീസ് പറഞ്ഞു. ബഹളം കേട്ട് ഓടിയെത്തിയ നാട്ടുകാരാണ് പ്രതിയെ തടഞ്ഞുവച്ച് പൊലീസിന് കൈമാറിയത്. മര്ദിച്ച ബിജുവിനെ പൊലീസ് കസ്റ്റഡിയിലെടുത്തു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
