Actor Diganth Manchale Injured | വ്യായാമത്തിനിടെ തലയിടിച്ച് വീണ് പരിക്കേറ്റ നടന്‍ ദിഗന്ത് ആശുപത്രിയില്‍; അപകടം ഭാര്യയോടൊപ്പം ഗോവയില്‍ അവധിയാഘോഷിക്കാനെത്തിയപ്പോള്‍
Jun 22, 2022, 09:58 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ബെംഗ്‌ളൂറു: (www.kvartha.com) വ്യായാമത്തിനിടെ തലയിടിച്ച് വീണ് കന്നട നടന്‍ ദിഗന്ത് മന്‍ചാലെയ്ക്ക് പരിക്കേറ്റു. കഴുത്തിന് സാരമായി പരിക്കേറ്റ ദിഗന്തിനെ ഉടന്‍ ഗോവയിലെ ഒരു ആശുപത്രിയിലും പിന്നീട് വിദഗ്ധ ചികിത്സയ്ക്കായി ബെംഗ്‌ളൂറിലെ ആശുപത്രിയിലേക്കും മാറ്റി.
മണിപാല്‍ ആശുപത്രിയില്‍ താരം ചൊവ്വാഴ്ച വൈകിട്ട് എത്തിയതായി ആശുപത്രി അധികൃതര്‍ പത്ര കുറിപ്പില്‍ അറിയിച്ചു. പ്രശസ്ത സ്പൈന്‍ സര്‍ജന്‍ ഡോ. വിദ്യാധര എസിന് കീഴിലാണ് ദിഗന്തിനെ പ്രവേശിപ്പിച്ചിരിക്കുന്നത്. താരം പെട്ടെന്ന് തന്നെ സുഖം പ്രാപിക്കാന്‍ മെഡികല്‍ സംഘം എല്ലാ ശ്രദ്ധയും നല്‍കുന്നതായും ആശുപത്രി അധികൃതര്‍ പത്ര കുറിപ്പിലൂടെ പറഞ്ഞു.
ഭാര്യയും നടിയുമായ ഐന്ദ്രിത റായിയുമൊത്ത് ഗോവയില്‍ അവധിയാഘോഷിക്കാനെത്തിയപ്പോഴാണ് അപകടം. ചൊവ്വാഴ്ച രാവിലെ ഇവര്‍ താമസിക്കുന്ന ഹോടെലില്‍വെച്ച് വ്യായാമത്തിന്റെ ഭാഗമായി കായികാഭ്യാസത്തിലേര്‍പെടുമ്പോള്‍ തലയിടിച്ച് വീഴുകയായിരുന്നുവെന്നാണ് വിവരം.
സ്വകാര്യ ജെറ്റ് വിമാനം എര്‍പെടുത്തിയാണ് വിദഗ്ധ ചികിത്സയ്ക്കായി അദ്ദേഹത്തെ ബെംഗ്‌ളൂറിലേക്ക് കൊണ്ടുവന്നത്. ബാക് ഫ്‌ലിപ് ചെയ്യുന്നതിനിടെ സുഷുമ്‌നാ നാഡിക്കും കഴുത്തിനും പരിക്കേറ്റതായാണ് എന്‍ഡിടിവി റിപോര്‍ട് ചെയ്യുന്നത്.
നായകവേഷത്തിലുള്‍പെടെ 35-ഓളം സിനിമകളില്‍ അഭിനയിച്ച നടനാണ് ദിഗന്ത്. സാഹസികതയോടുള്ള ഇഷ്ടത്തിന് പേരുകേട്ട ആളാണ് ദിഗന്ത്. സര്‍ഫിങ്, റോക് ക്ലൈംബിങ്, സൈക്ലിങ് എന്നിവയ്ക്ക് പുറമെ സ്‌കൂബ ടൈവിങിലും വിദഗ്ധനാണ് ദിഗന്ത്. ആഗസ്റ്റ് 12ന് തിയറ്ററുകളിലെത്തുന്ന ഗാലിപത 2 ആണ് ദിഗന്തിന്റേതായി പുറത്തിറങ്ങാനിരിക്കുന്ന ചിത്രം.
Keywords: News,National,India,Bangalore,Accident,Injured,Treatment,hospital,Actor, Kannada actor Diganth Manchale suffers spinal injury in Goa
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
