Delhi Air Pollution | ഞെട്ടിക്കുന്ന റിപോര്‍ട് പുറത്ത്: രാജ്യതലസ്ഥാനത്തെ വായു മോശമായത് പടക്കം പൊട്ടിച്ചത് കൊണ്ടല്ല; ജൈവ വസ്തുക്കള്‍ കത്തിക്കുന്നത് കൊണ്ടാണെന്ന് ഐഐടി ഡെല്‍ഹിയുടെ പഠനം
May 27, 2022, 21:26 IST
ന്യൂഡെല്‍ഹി: (www.kvartha.com) രാജ്യതലസ്ഥാനത്തെ വായു മോശമായത് പടക്കം പൊട്ടിച്ചത് കൊണ്ടല്ലെന്നും വൈക്കോല്‍ ഉള്‍പെടെയുള്ള ജൈവമാലിന്യങ്ങള്‍ കത്തിക്കുന്നത് കൊണ്ടാണെന്നും ഇന്‍ഡ്യന്‍ ഇന്‍സ്റ്റിറ്റിയൂട് ഓഫ് ടെക്നോളജി (ഐഐടി) പഠനം.
ഡെല്‍ഹി ഐഐടിയുടെ പഠനം 'അന്തരീക്ഷ മലിനീകരണ ഗവേഷണം' മാസികയിലും പ്രസിദ്ധീകരിച്ചിട്ടുണ്ട്. ഔദ്യോഗിക പത്രക്കുറിപ്പ് പ്രകാരം, കണികാ ദ്രവ്യം (particulate matter) 2.5 രൂപപ്പെടുന്നതായി ഗവേഷകരുടെ സംഘം കണ്ടെത്തി. ദീപാവലി സമയത്ത് വായുവില്‍ കണികാ ദ്രവ്യം 2.5-ലെ ലോഹത്തിന്റെ അളവ് 1100 ശതമാനം വര്‍ധിച്ചതായി ഗവേഷകര്‍ കണ്ടെത്തി. ഇതില്‍ പടക്കങ്ങളുടെ സംഭാവന 95% ആയിരുന്നു. പഠനമനുസരിച്ച്, പടക്കത്തിന്റെ ഈ പ്രഭാവം 12 മണിക്കൂറിനുള്ളില്‍ അവസാനിക്കുന്നതായി കണ്ടെത്തി.
മഞ്ഞുകാലത്ത് വൈക്കോല്‍ കത്തിക്കുന്നതും ആളുകള്‍ തീയിടുന്നതും ജൈവവസ്തുക്കളുടെ അളവ് വര്‍ധിപ്പിക്കുന്നു. ഇതുമൂലം അന്തരീക്ഷ മലിനീകരണം വര്‍ധിക്കുന്നു. പടക്കം കത്തിച്ചാല്‍ ഉണ്ടാകുന്ന മലിനീകരണം ഒരു ദിവസം കൊണ്ട് തീരും- ഐഐടിയിലെ കെമികല്‍ എന്‍ജിനീയറിംഗ് വിഭാഗം പ്രൊഫസര്‍ വിക്രം സിംഗ് പറയുന്നു.
ദീപാവലി സമയത്ത് പടക്കങ്ങളെ കുറിച്ച് ആളുകള്‍ തര്‍ക്കിക്കും. പടക്കങ്ങള്‍ കത്തിക്കുന്നത് അന്തരീക്ഷ മലിനീകരണം വര്‍ധിപ്പിക്കുമെന്ന് പലരും പറയുന്നു. 'പടക്കം വായു മലിനീകരണത്തിന് കാരണമാകുന്നു, എന്നാല്‍ അവ മാത്രമല്ല കാരണം' 2018-ല്‍ സുപ്രീം കോടതി വ്യക്തമാക്കി.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
