നിലവിൽ ഡിവൈഎഫ്ഐ കേന്ദ്ര കമിറ്റിയംഗമാണ് 37-കാരനായ സനോജ്. ഡിവൈഎഫ്ഐ കണ്ണൂർ ജില്ലാ സെക്രടറിയായും എസ്എഫ്ഐ സംസ്ഥാന വൈസ് പ്രസിഡന്റായും പ്രവർത്തിച്ചിട്ടുണ്ട്. സിപിഎം കണ്ണൂർ ജില്ലാ കമിറ്റിയംഗം, വോളിബോൾ അസോസിയേഷൻ കണ്ണൂർ ജില്ലാ പ്രസിഡന്റ്, സംസ്ഥാന യുവജനക്ഷേമ ബോർഡ് അംഗം എന്നീ നിലകളിലും പ്രവർത്തിക്കുന്നു. കണ്ണൂർ മാലൂർ നിട്ടാപറമ്പ് പത്മശ്രീയിൽ എം കെ പത്മനാഭന്റെയും വി കെ സുലോചനയുടെയും മകനാണ്. മലയാള സാഹിത്യത്തിൽ ബിരുദാനന്തര ബിരുദധാരിയാണ്. ഭാര്യ: ജസ്ന ജയരാജ് (റിപോർടർ, ദേശാഭിമാനി കണ്ണൂർ). മകൻ: ഏതൻ സാൻജെസ്.
സംസ്ഥാന പ്രസിഡന്റായി വി വസീഫിനെയും പത്തനംതിട്ടയിൽ സമാപിച്ച സംസ്ഥാന സമ്മേളനം തെരഞ്ഞെടുത്തു. എസ് ആർ അരുൺ ബാബുവാണ് ട്രഷറർ. എ എ റഹീം അഖിലേന്ത്യ പ്രസിഡന്റായതിനെ തുടർന്ന് ഡിസംബറിലാണ് സനോജ് സംസ്ഥാന സെക്രടറി പദവിയിലേക്ക് എത്തിയത്. കോഴിക്കോട് ജില്ലയിലെ കൊടിയത്തൂർ പഞ്ചായതിൽ വിദ്യാഭ്യാസ വകുപ്പിൽ നിന്ന് അകൗണ്ട് ഓഫീസർ ആയി വിരമിച്ച വളപ്പിൽ വീരാൻ കുട്ടിയുടെയും വഹീദയുടേയും മകനാണ് വസീഫ്. തിരുവനന്തപുരത്ത് ഗവ. ഹോമിയോ കോളജിൽ എം.ഡി ചെയ്യുന്ന ഡോ. അർശിദ ആണ് ഭാര്യ. നിലവിൽ എഫ് എം എച് എസ് എസ് വിഭാഗത്തിൽ ഹയർ സെകൻഡറി അധ്യാപകൻ ആണ്. സിപി എം കോഴിക്കോട് ജില്ലാ കമിറ്റി അംഗമായും കൊടിയത്തൂർ സർവീസ് സഹകരണ ബാങ്ക് പ്രസിഡൻ്റ് ആയും ചുമതല നിർവഹിക്കുന്നു.
Keywords: News, Kerala, Kannur, DYFI, President, Kozhikode, Politics, CPM, Chief Minister, Pinarayi-Vijayan, Top-Headlines, V Vaseef, VK Sanoj, V Vaseef elected as DYFI state president, VK Sanoj to continue as state secretary.
< !- START disable copy paste -->