എന്നാൽ ഒരു പ്ലാറ്റ്ഫോം ഇത്രയധികം ഉപയോഗിക്കുമ്പോൾ, വഞ്ചനയുടെയും തട്ടിപ്പിന്റെയും സാധ്യതയും വർധിക്കുന്നു. യുപിഐ ഉപയോക്താക്കളുമായി ബന്ധപ്പെട്ട നിരവധി കേസുകൾ മുന്നിൽ വന്നിട്ടുണ്ട്. അതിനാൽ, ഒരു ഡിജിറ്റൽ ഇടപാട് നടത്തുമ്പോൾ സുരക്ഷിരായിരിക്കേണ്ടത് പ്രധാനമാണ്. അത്തരം സന്ദർഭങ്ങളിൽ ചിലർക്ക് പറ്റുന്നതും എന്നാൽ ഒഴിവാക്കേണ്ടതുമായ അഞ്ച് നിസാര തെറ്റുകൾ പരിചയപ്പെടാം.
1. നിങ്ങളുടെ യുപിഐ പിൻ നമ്പർ പങ്കിടരുത്
ഏതെങ്കിലും സർകാർ സ്ഥാപനം അല്ലെങ്കിൽ ബാങ്ക് അതുമല്ലെങ്കിൽ അറിയപ്പെടുന്ന കംപനിയിൽ നിന്നാണെന്ന് അവകാശപ്പെട്ട് വരുന്ന ഏതെങ്കിലും കസ്റ്റമർ കെയർ കോളുമായോ സന്ദേശങ്ങളുമായോ ഒരിക്കലും നിങ്ങളുടെ യുപിഐ പിൻ നമ്പർ പങ്കിടരുത്. യഥാർഥ സ്ഥാപനങ്ങൾ ഒരിക്കലും നിങ്ങളുടെ യുപിഐ പിൻ ചോദിക്കില്ല. എസ്എംഎസ് അയയ്ക്കുന്നവരുടെയോ വിളിക്കുന്നവരുടെയോ വിശദാംശങ്ങൾ എപ്പോഴും പരിശോധിക്കുക, ആരെങ്കിലും നിങ്ങളുടെ പിൻ വിശദാംശങ്ങൾ ആവശ്യപ്പെടുകയാണെങ്കിൽ, വിളിക്കുന്നയാൾ ഒരു തട്ടിപ്പുകാരനാണെന്ന് വ്യക്തമാണ്.
2. അജ്ഞാത പേയ്‌മെന്റ് അഭ്യർഥനകൾ ഒഴിവാക്കുക
മിക്ക യുപിഐ ആപുകളിലും പ്രത്യേക യുപിഐ ഐഡിയിൽ നിന്നുള്ള പേയ്‌മെന്റ് അഭ്യർഥനകൾ നിരീക്ഷിക്കുന്ന ഒരു സ്പാം ഫിൽടർ ഉണ്ട്. അത്തരത്തിലുള്ള ഏതെങ്കിലും ഐഡി കണ്ടാൽ അത് നിങ്ങൾക്ക് മുന്നറിയിപ്പ് നൽകും. മറുവശത്തുള്ള വ്യക്തി ഒരു വഞ്ചകനല്ലെന്ന് നിങ്ങൾക്ക് 100 ശതമാനം ഉറപ്പുണ്ടെങ്കിൽ മാത്രം ഇടപാടുമായി മുന്നോട്ട് പോകുക. നിങ്ങൾക്ക് 'പണമടയ്ക്കുക' അല്ലെങ്കിൽ 'നിരസിക്കുക' എന്ന ഓപ്ഷൻ ലഭിക്കും. എന്തെങ്കിലും സംശയമുണ്ടെങ്കിൽ, 'നിരസിക്കുക' തെരഞ്ഞെടുക്കണം. 'പണമടയ്ക്കുക' ഓപ്ഷൻ തിരഞ്ഞെടുക്കുകയാണെങ്കിൽ, ഏത് സാഹചര്യത്തിലും നിങ്ങൾക്ക് തുക തിരികെ ലഭിക്കില്ല.
3. പരിശോധിച്ചുറപ്പിച്ച ആപുകൾ മാത്രം ഉപയോഗിക്കുക
നിങ്ങളുടെ ഉപകരണത്തിൽ ഒരു ആപ് ഇൻസ്റ്റാൾ ചെയ്യുമ്പോഴെല്ലാം, പ്രശ്നങ്ങൾ ഒന്നും ഇല്ലാത്ത ആപാണ് ഉപയോഗിക്കുന്നതെന്ന് ഉറപ്പാക്കുക. സാമ്പത്തികപരമായ ആപോ പുതിയ ഗെയിമോ ആകട്ടെ, ഗൂഗിൾ പ്ലേ സ്റ്റോർ, വിൻഡോസ് ആപ് സ്റ്റോർ അല്ലെങ്കിൽ ആപിൾ ആപ് സ്റ്റോർ പോലുള്ള ഔദ്യോഗിക പ്ലേ സ്റ്റോറുകളിൽ നിന്ന് മാത്രം ഡൗൺലോഡ് ചെയ്യുക. വ്യാജ ആപുകൾ ഡൗൺലോഡ് ചെയ്ത് ഇൻസ്റ്റാൾ ചെയ്‌താൽ, അത് നിങ്ങളുടെ സ്വകാര്യ വിവരങ്ങൾ കുറ്റവാളികളുമായി പങ്കിടുകയും അകൗണ്ടിൽ നിന്ന് പണം നഷ്ടപ്പെടുന്നതിനും കാരണമാവും.
4. നിങ്ങളുടെ യുപിഐ പിൻ മാറ്റിക്കൊണ്ടേയിരിക്കുക
എല്ലാ മാസവും യുപിഐ പിൻ മാറ്റുന്നത് പ്രധാനമാണ്. അല്ലെങ്കിൽ, നിങ്ങളുടെ അകൗണ്ട് സുരക്ഷിതമാക്കാൻ മൂന്ന് മാസത്തിൽ ഒരിക്കലെങ്കിലും പിൻ മാറ്റുക.
5. ഇവയിലൊന്നും ക്ലിക് ചെയ്യരുത്
എസ്എംഎസുകളിലോ ഇമെയിലുകളിലോ ഉള്ള സംശയാസ്പദമായ ലിങ്കുകളിൽ ഒരിക്കലും ക്ലിക് ചെയ്യരുത്: വ്യാജ ഇമെയിലുകളും എസ്എംഎസുകളും ആളുകളെ കുടുക്കുന്നതിനുള്ള ഏറ്റവും സാധാരണമായ രൂപങ്ങളാണ്. ഈ ലിങ്കുകൾ യഥാർഥമാണെന്ന് തോന്നിപ്പിക്കും. ലോടറിയുടെയോ വിദേശ ജോലിയുടെയോ രൂപത്തിൽ നിങ്ങളുടെ ശ്രദ്ധ ആകർഷിക്കുകയും ചെയ്തേക്കാം. വിവിധ ഷോപിങ് സൈറ്റുകളുടെയും ലോഗോവെച്ച് മറ്റുലിങ്കുകളും തട്ടിപ്പുകാർ അയക്കാറുണ്ട്. അത്തരം ലിങ്കുകളൊന്നും പിന്തുടരരുത്, കാരണം അവ നിങ്ങളെ തട്ടിപ്പുകളുടെ സൈറ്റിലേക്ക് നയിക്കും. നിങ്ങളുടെ പണവും സ്വകാര്യ വിവരങ്ങളും ചോർത്തിയെടുക്കുകയും ചെയ്യും.
Keywords: News, National, Top-Headlines, Online, Cash, Alerts, Online Payment, UPI Scam Alert, UPI Scam Alert: Do Not Make These Silly Mistakes While Making Online Payment.
< !- START disable copy paste -->
< !- START disable copy paste -->