സംവിധായകന്‍ ശങ്കറിന്റെ ആര്‍സി 15 എന്ന ബഹുഭാഷാ ചിത്രത്തിന്റെ ഷൂടിംഗിനാണ് താരം അമൃത്സറില്‍ എത്തിയത്. തിങ്കളാഴ്ച, സിനിമയുടെ സെറ്റില്‍ ആരാധകരും മറ്റ് ആളുകളും താരത്തെ കാണാനെത്തി. അവരെല്ലാം രാംചരണ്‍ എന്ന് ഉറക്കെ വിളിക്കുന്നത് വീഡിയോയില്‍ കേള്‍ക്കാം. ഉത്തരേന്‍ഡ്യയിലും താരം ജനപ്രിയനായതിന് തെളിവാണ് വീഡിയോയെന്ന് ഫാന്‍സുകാര്‍ പറയുന്നു.
കിയാര അദ്വാനിയാണ് ചിത്രത്തിലെ നായിക. രാം ചരണിനൊപ്പം കിയാരയുടെ രണ്ടാമത്തെ തെലുങ്ക് ചിത്രമാണിത്. രാം ചരണ്‍ തന്റെ ആരാധകര്‍ക്ക് വഴിയൊരുക്കാന്‍ പരിവാരങ്ങളോട് ആവശ്യപ്പെടുന്നതും സെല്‍ഫിക്ക് പോസ് ചെയ്യുന്നതും വീഡിയോയില്‍ കാണാം. കറുത്ത വസ്ത്രമാണ് ധരിച്ചിരിക്കുന്നത്. കുറച്ച് ആഴ്ചകളായി ശബരിമലയില്‍ പോകുന്നതിന് മുമ്പുള്ള 41 ദിവസത്തെ വ്രതത്തിലാണ് രാം ചരണ്‍. വീഡിയോ പങ്കുവെച്ച് ആരാധകരും ആഘോഷത്തിലാണ്. 'ലൻഡന്‍, ന്യൂയോര്‍ക് എന്നിവിടങ്ങളില്‍ താരം പോയാലും സമാനമായ ദൃശ്യങ്ങള്‍ കാണാം.' എന്ന് ഒരു ആരാധകന്‍ കുറിച്ചു.
#RamCharan surrounded by his fans on #RC15 shoot location in Amritsar Punjab India. pic.twitter.com/djirlcKha7
— Believer!!! (@HumanTsunaMEE) April 18, 2022
ആര്‍ആര്‍ആര്‍ റിലീസിന് ശേഷം രാം ചരണ്‍ രാജ്യവ്യാപകമായി ജനപ്രീതി നേടി. എസ്എസ് രാജമൗലിയുടെ ഈ ചിത്രം ലോകമെമ്പാടുമായി 1000 കോടി ക്ലബില്‍ കടന്നതിനാല്‍ രണ്ടാഴ്ച മുമ്പ്, നിര്‍മാതാവ് ജയന്തിലാല്‍ ഗാഡ ഒരു വലിയ ആഘോഷം സംഘടിപ്പിച്ചിരുന്നു. ആര്‍ആര്‍ആര്‍, ജൂനിയര്‍ എന്‍ടിആറിനൊപ്പം രാം ചരണ്‍ ആദ്യമായി അഭിനയിച്ച ചിത്രമാണ്. കോവിഡിന് ശേഷം ഏറ്റവും കൂടുതല്‍ കലക്ഷന്‍ നേടിയ ഇന്‍ഡ്യന്‍ ചിത്രവും രാജ്യത്ത് ഏറ്റവും കൂടുതല്‍ കളക്ഷന്‍ നേടിയ മൂന്നാമത്തെ ചിത്രവുമാണിത്.
Keywords: Punjab, News, Entertainment, Video, Cinema, Cine Actor, Viral, Fans, Telugu, Telugu Actor, Ram Charan, Shankar, Kiara Advani, Ram Charan gets mobbed in Amritsar as he shoots Shankar's next there; fans call it proof of his pan-India fame. Watch.
< !- START disable copy paste -->