ജഹാംഗീര്‍ പുരിയിലെ കലാപത്തിന് ശേഷം കഴിഞ്ഞ ദിവസമാണ് നോര്‍ത് ഡെല്‍ഹി മുനിസിപല്‍ കോര്‍പറേഷന്‍ പ്രദേശത്തെ പൊളിച്ചു നീക്കല്‍ നടപടി തുടങ്ങിത്. ഇതിനെതിരെ ജംഇയ്യതുല്‍ ഉലമ ഇ ഹിന്ദ് ഉള്‍പെടെയുള്ളവര്‍ സുപ്രിം കോടതിയെ സമീപിച്ചു. പിന്നാലെ സുപ്രിം കോടതി സ്റ്റേ ഉത്തരവിട്ടിരുന്നു. വ്യാഴാഴ്ച ഹര്‍ജി വീണ്ടും പരിഗണിച്ച കോടതി സ്റ്റേ തുടരുമെന്ന് അറിയിച്ചു. ബുധനാഴ്ച സുപ്രിം കോടതി ഉത്തരവ് വന്നതിനു ശേഷവും പൊളിക്കല്‍ നടത്തിയതിനെ അതീവ പ്രാധാന്യത്തോടെ കാണുന്നുവെന്നും സുപ്രീം കോടതി വ്യക്തമാക്കി. സംഭവത്തില്‍ സംസ്ഥാനങ്ങളോടും കേന്ദ്രത്തോടും കോടതി റിപോര്‍ട് ആവശ്യപ്പെട്ടിട്ടുണ്ട്. ജസ്റ്റിസ് എല്‍ നാഗേശ്വര്‍ റാവു അധ്യക്ഷനായ ബഞ്ചാണ് ഹരജി പരിഗണിച്ചത്.
നോടീസ് പോലും നല്‍കാതെയാണ് ജഹാംഗീര്‍പുരിയില്‍ ഡെല്‍ഹി മുനിസിപല്‍ കോര്‍പറേഷന്‍ കെട്ടിടങ്ങള്‍ പൊളിക്കാന്‍ തുടങ്ങിയത്. കെട്ടിടം പൊളിക്കുന്നതിന് 14 ദിവസം മുന്‍പ് ഉടമകള്‍ക്ക് നോട്ടീസ് നല്‍കണമെന്നാണ് വ്യവസ്ഥ. നടപടി ഏകപക്ഷീയമാണെന്ന് ചൂണ്ടിക്കാട്ടിയാണ് ജംഇയത്തുല്‍ ഉലമ ഹിന്ദ് ഉള്‍പെടുള്ളവര്‍ സുപ്രീംകോടതിയെ സമീപിച്ചത്. ഹരജിയില്‍ അന്തിമവാദം കേള്‍ക്കുന്നത് വരെ തല്‍സ്ഥിതി തുടരാനും സുപ്രീംകോടതി ഉത്തരവിട്ടിരുന്നു. മുതിര്‍ന്ന അഭിഭാഷകരായ പ്രശാന്ത് ഭൂഷണും കപില്‍ സിബലും ദുഷ്യന്ത് ദവേയുമാണ് ഹരജിക്കാര്‍ക്ക് വേണ്ടി ഹാജരായത്.
Keywords: News, Jahangirpuri Demolition, National, Top-Headlines, Controversy, Supreme Court of India, Supreme Court, Country, Delhi, Kapil Sibal, Community, Particular community targeted by bulldozing Kapil Sibal.
< !- START disable copy paste -->