Rider Died | യുഎഇയില്‍ വാഹനാപകടം; മലയാളി ബൈക് റൈഡര്‍ക്ക് ദാരുണാന്ത്യം
Apr 24, 2022, 12:55 IST
ഫുജൈറ: (www.kvartha.com) യുഎഇയില്‍ വാഹനാപകടത്തില്‍ മലയാളി ബൈക് റൈഡര്‍ക്ക് ദാരുണാന്ത്യം. കോഴിക്കോട് സ്വദേശിയായ ബാലുശ്ശേരി എസ്റ്റേറ്റ്മുക്ക് സ്വദേശി ജപിന്‍ ജയപ്രകാശാ(37)ണ് മരിച്ചത്. ഫുജൈറയിലെ ദിബ്ബയിലാണ് അപകടം സംഭവിച്ചത്.
ശനിയാഴ്ച രാവിലെ ബൈക് റൈഡിനിടെയാണ് അപകടമുണ്ടായത്. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം കല്‍ബയിലെ ആശുപത്രി മോര്‍ചറിയില്‍ സൂക്ഷിച്ചിരിക്കുകയാണ്. ദുബൈ മോടോര്‍ സിറ്റിയിലെ ഓടോഡ്രാമിലെ സര്‍ക്യൂടില്‍ മലയാളികള്‍ക്കൊപ്പം പരിശീലനം നടത്തിയിരുന്നു.
ദുബൈ ഇന്‍ഡ്യന്‍ കോണ്‍സുലേറ്റിലെ അറ്റസ്റ്റേഷന്‍ സര്‍വീസായ ഐവിഎസിലെ ജീവനക്കാരനായിരുന്നു. രാജ്യാന്തര ബൈക് റൈഡില്‍ പങ്കെടുത്തിട്ടുള്ള താരമാണ് ജപിന്‍. ഭാര്യ: ഡോ. അഞ്ജു ജപിന്‍. മൃതദേഹം നാട്ടിലെത്തിക്കാനുള്ള നടപടികള്‍ പുരോഗമിക്കുന്നു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
