ജനങ്ങള്‍ക്ക് മിതമായ നിരക്കില്‍ മികച്ച നിലവാരമുള്ള ആരോഗ്യ സംരക്ഷണം ഭുജിലെ ആശുപത്രി ലഭ്യമാക്കും. രണ്ട് ദശാബ്ദങ്ങള്‍ക്ക് മുമ്പ് ഗുജറാതില്‍ 1100 എംബിബിഎസ് സീറ്റുകള്‍ മാത്രമുള്ള ഒമ്പത് മെഡികല്‍ കോളജുകള്‍ മാത്രമേ ഉണ്ടായിരുന്നുള്ളൂ. ഇന്ന് നമുക്ക് 6000 സീറ്റുകളുള്ള 36-ലധികം മെഡിക്കല്‍ കോളജുകള്‍ ഉണ്ട്, അദ്ദേഹം ചൂണ്ടിക്കാണിച്ചു. 2001-ലെ ഭൂകമ്പത്തില്‍ ഉണ്ടായ നാശം അനുസ്മരിച്ചുകൊണ്ട്, ഭുജിലെയും കച്ചിലെയും ജനങ്ങള്‍ തങ്ങളുടെ കഠിനാധ്വാനം കൊണ്ട് ഈ പ്രദേശത്തിന്റെ ചരിത്രം മാറ്റി എഴുതുകയാണെന്ന് മോദി പറഞ്ഞു.
'ഈ പ്രദേശത്ത് നിരവധി ആധുനിക മെഡികല്‍ സേവനങ്ങള്‍ ലഭ്യമാണ്. ഇന്ന്, ഭുജിന് ഇന്ന് ഒരു ആധുനിക സൂപര്‍ സ്‌പെഷ്യാലിറ്റി ആശുപത്രി കൂടി ലഭിക്കുന്നു. മെച്ചപ്പെട്ട ആരോഗ്യ സൗകര്യങ്ങള്‍ കൊണ്ട് അര്‍ത്ഥമാക്കുന്നത് മികച്ച ചികിത്സ മാത്രമല്ല, സാമൂഹിക നീതിയും കൂടാണ്. ഒരു ദരിദ്രന് തുശ്ചമായ നിരക്കില്‍ മികച്ച ചികിത്സ ലഭിക്കുമ്പോള്‍, വ്യവസ്ഥിതിയിലുള്ള അവന്റെ വിശ്വാസം ദൃഢമാകുന്നു', പ്രധാനമന്ത്രി മോദി പറഞ്ഞു.
കെ കെ പട്ടേല്‍ സൂപര്‍ സ്‌പെഷ്യാലിറ്റി ആശുപത്രി ഭുജിലെ ശ്രീ കുച്ചി ലെവ പടേല്‍ സമാജാണ് നിര്‍മിച്ചിരിക്കുന്നത്. കച്ചിലെ ആദ്യത്തെ ചാരിറ്റബിള്‍ സൂപര്‍ സ്‌പെഷ്യാലിറ്റി ആശുപത്രിയാണിതെന്ന് പ്രധാനമന്ത്രിയുടെ ഓഫീസ് പറയുന്നു.
Keywords: New Delhi, India, News, Prime Minister, Education, Top-Headlines, Medical College, Central Government, Narendra Modi, Doctor, Gujrath, Health, Hospital, India to get record number of new doctors in 10 years: PM Modi.
< !- START disable copy paste -->