Arrest | ഞെട്ടിക്കുന്ന സംഭവം: '10 വയസുകാരിയെ കൂട്ട ബലാത്സംഗം ചെയ്തു'; 9 നും 15 നും ഇടയിൽ പ്രായമുള്ള അഞ്ച് ആൺകുട്ടികൾ അറസ്റ്റിൽ

ഖുന്തി:(www.kvartha.com) ജാർഖണ്ഡിൽ 10 വയസുകാരിയെ ബലാത്സംഗം ചെയ്‌തെന്ന കേസിൽ പ്രായപൂർത്തിയാകാത്ത അഞ്ച് കുട്ടികളെ അറസ്റ്റ് ചെയ്തു. സംഭവത്തിൽ പ്രായപൂർത്തിയാകാത്ത ആറാമത്തെ പ്രതിയെയും പൊലീസ് തിരയുന്നുണ്ട്. ജാർഖണ്ഡിലെ ഖുന്തി ജില്ലയിൽ നിന്നാണ് ഞെട്ടിക്കുന്ന സംഭവം പുറത്ത് വന്നിരിക്കുന്നത്.
                      പൊലീസ് പറയുന്നതിങ്ങനെ: 'ഏപ്രിൽ 20 ന് അടുത്തുള്ള ഗ്രാമത്തിലെ ഒരു വിവാഹത്തിനിടെ ആൺകുട്ടികൾ പെൺകുട്ടിയുമായി എന്തോ ചെറിയ കാര്യത്തിന് വഴക്കുണ്ടായി. രാത്രിയിൽ പെൺകുട്ടി സ്വന്തം ഗ്രാമത്തിലേക്ക് മടങ്ങുമ്പോൾ ആറ് ആൺകുട്ടികൾ അവളെ പിടികൂടി കൊണ്ടുപോയി ആളൊഴിഞ്ഞ സ്ഥലത്ത് കൂട്ടബലാത്സംഗം ചെയ്തു. ഇര വീട്ടിലെത്തി മുഴുവൻ കാര്യങ്ങളും അവളുടെ വീട്ടുകാരെ അറിയിച്ചു.

വിഷയം ആദ്യം പഞ്ചായതിലെത്തി. പിന്നീട് ഇരയുടെ അമ്മയുടെ പരാതിയിൽ തപ്കര പൊലീസ് സ്റ്റേഷനിൽ എഫ്ഐആർ രജിസ്റ്റർ ചെയ്തു. സംഭവത്തെക്കുറിച്ച് വിവരം ലഭിച്ചയുടൻ പൊലീസ് അഞ്ച് പേരെ പിടികൂടി. എല്ലാ പ്രതികളും ഒമ്പതിനും 15 നും ഇടയിൽ പ്രായമുള്ളവരും എല്ലാവരും ഒരേ സ്‌കൂളിൽ പഠിക്കുന്നവരുമാണ്. അവരെ ജുവനൈൽ ഹോമിലേക്ക് അയച്ചിട്ടുണ്ട്'.  < !- START disable copy paste -->