Anupam Kher | 41 വര്‍ഷം മുമ്പെടുത്ത ചിത്രവും ഇപ്പോഴത്തെ ചിത്രവും മനോഹരമായ അടിക്കുറിപ്പോടെ ഇന്‍സ്റ്റഗ്രാമില്‍ പങ്കിട്ട് നടന്‍ അനുപം ഖേര്‍: രസകരമായ കമന്റുമായി ആരാധകര്‍
Apr 24, 2022, 21:29 IST
മുംബൈ: (www.kvartha.com) 41 വര്‍ഷം മുമ്പെടുത്ത ചിത്രവും ഇപ്പോഴത്തെ ചിത്രവും മനോഹരമായ അടിക്കുറിപ്പോടെ ഇന്‍സ്റ്റഗ്രാമില്‍ പങ്കിട്ട് നടന്‍ അനുപം ഖേര്‍. ചിത്രത്തിന് രസകരമായ കമന്റുകളാണ് ആരാധകര്‍ നടത്തിയത്. ഞായറാഴ്ചയാണ് താരം 41 വര്‍ഷത്തെ ഇടവേളയില്‍ എടുത്ത രണ്ടു ചിത്രങ്ങള്‍ പങ്കുവെച്ചത്.
1981ല്‍ എടുത്ത ചിത്രമാണ് ഒന്ന്. അതില്‍ അനുപം എന്ന ചെറുപ്പക്കാരന്‍ കാമറയില്‍ നിന്ന് വിദൂരതയിലേക്ക് നോക്കുന്നത് കാണാം. അന്ന് അനുപമിന് തലയില്‍ മുടിയുണ്ടായിരുന്നു, നീളമുള്ള മീശയും ഉണ്ടായിരുന്നു. ഒരു ഷര്‍ടും ഇരുണ്ട സ്വെറ്ററുമാണ് വേഷം. മറ്റേ ഫോടോ അടുത്തിടെ എടുത്തതാണ്.
ചിത്രം പങ്കുവെച്ചുകൊണ്ട്, 'മുഖം മാറി. പക്ഷേ കണ്ണുകളിലെ തീയും വിശപ്പും ഒന്നുതന്നെയാണ്.ഇടതുവശത്തുള്ള ചിത്രം ഞാന്‍ മുംബൈയിലെ #CityOfDreams-Â വന്നപ്പോള്‍ ഒരു പോര്‍ട് ഫോളിയോ ഷൂടില്‍ നിന്നുള്ളതാണ്. 1981... (അഗ്‌നിയും ഹൃദയവുമായ കണ്ണുകളുടെ ഇമോജികള്‍) #അനുപംഖേര്‍ #അഗ്‌നി #പാഷന്‍ #അഭിനയം #വര്‍ഷങ്ങള്‍ #കുച്ച് ബിഹോസക്തഹേ.' എന്ന അടിക്കുറിപ്പും നല്‍കി.
പോസ്റ്റിനോട് പ്രതികരിച്ച ആരാധകര്‍ അദ്ദേഹത്തെ സ്നേഹവും പ്രശംസയും കൊണ്ട് മൂടി. ഒരാള്‍ ഇങ്ങനെ അഭിപ്രായം പാസാക്കി;
'ആപ് ലെജന്‍ഡ് ഹായ് . മേരാ ലിയാ ആപ് മര്‍ലോണ്‍ ബ്രാന്‍ഡോ, അല്‍ പാസിനോ, റോബര്‍ട് ഡി നിരോ, അമിതാഭ് ബചന്‍ എന്നിവര്‍ ഒന്നുമല്ല. ഞാന്‍ നിന്നെ സ്‌നേഹിക്കുന്നു.' 'നിങ്ങള്‍ക്ക് മുടിയുണ്ടായിരുന്നപ്പോള്‍, നിങ്ങളുടെ മിക്കവാറും എല്ലാ സിനിമകളും ഞാന്‍ കണ്ടിട്ടുണ്ട്, നിങ്ങള്‍ക്ക് ഏറ്റവും അനുയോജ്യമാണ് ഇപ്പോഴത്തെ രൂപവും,' എന്ന് മറ്റൊരാള്‍ അഭിപ്രായപ്പെട്ടു.
'1981-ല്‍ നിങ്ങള്‍ വളരെ ചെറുപ്പമായിരുന്നു, 2022-ലും അനുപം ഖേര്‍ സര്‍ വാഹേ ഗുരു, എപ്പോഴും നിങ്ങളെ ഒരുപാട് സ്നേഹവും സന്തോഷവും നല്‍കി അനുഗ്രഹിക്കട്ടെ, ആരോഗ്യത്തോടെയിരിക്കുക, അനുഗ്രഹിക്കപ്പെട്ടവരായി തുടരുക,' ഒരു ആരാധകന്‍കുറിച്ചു. 'നിങ്ങളില്‍ നിന്ന് ഒരുപാട് കാര്യങ്ങളില്‍ എനിക്ക് പ്രചോദനമുണ്ട്. 'പുതിയ തലമുറയ്ക്ക് താങ്കള്‍ ഒരു പ്രോത്സാഹനമാണ് സര്‍ ജി. നന്ദിയും അനുഗ്രഹവും ആയി തുടരൂ,' ഒരാള്‍ കുറിച്ചു.
500-ലധികം സിനിമകളില്‍ അഭിനയിച്ച അനുപം രണ്ട് ദേശീയ ചലച്ചിത്ര അവാര്‍ഡുകള്‍ നേടിയിട്ടുണ്ട്. മഹേഷ് ഭടിന്റെ സാരന്‍ഷ് (1984) എന്ന ചിത്രത്തിലൂടെയാണ് അദ്ദേഹം ബോളിവുഡില്‍ അരങ്ങേറ്റം കുറിച്ചത്. പരിന്ദ, തേസാബ്, രാം ലഖന്‍, ചാല്‍ബാസ്, ദര്‍, സൗദാഗര്‍, ഹം ആപ്കെ ഹേ കോന്‍, റെഫ്യൂജി, എ ബുധന്‍, പഹേലി, ജബ് തക് ഹേ ജാന്‍, ദി ആക്സിഡന്റല്‍ പ്രൈംമിനിസ്റ്റര്‍ തുടങ്ങിയ സിനിമകളില്‍ അനുപം വേഷമിട്ടു.
1990-കളില്‍ കശ്മീരി പണ്ഡിറ്റുകളുടെ കാശ്മീര്‍ താഴ്വരയില്‍ നിന്നുള്ള പലായനത്തെ ചുറ്റിപ്പറ്റിയുള്ള വിവേക് അഗ്‌നിഹോത്രിയുടെ ദി കാശ്മീര്‍ ഫയല്‍സിലാണ് അനുപം അവസാനമായി അഭിനയിച്ചത്. അദ്ദേഹത്തെ കൂടാതെ മിഥുന്‍ ചക്രവര്‍ത്തി, പല്ലവി ജോഷി, ദര്‍ശന്‍ കുമാര്‍, പുനീത് ഇസ്സാര്‍, മൃണാള്‍ കുല്‍കര്‍ണി തുടങ്ങിയവരും ചിത്രത്തില്‍ അഭിനയിച്ചു.
റീമ സമ്പത്, ക്രിസ് സള്ളിവന്‍, മീര സിംഹന്‍ എന്നിവര്‍ക്കൊപ്പം ദ സണ്‍ ഇന്‍ ലോയും, അമിതാഭ് ബചന്‍, ബൊമന്‍ ഇറാനി, നീന ഗുപ്ത, സരിക, പരിനീതി ചോപ്ര എന്നിവര്‍ക്കൊപ്പം സൂരജ് ബര്‍ജാത്യയുടെ ഉഞ്ചായിയുമാണ് അനുപമിന്റേതായി ഇനി പുറത്തുവരാനുള്ളത്.
Keywords: Anupam Kher shares pics clicked 41 years apart, fans notice it's from when he 'had hair', Mumbai, News, Bollywood, Cine Actor, Social Media, Cinema, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
