50 ആഗോള വ്യവസായ പ്രമുഖരുമായി ആശയവിനിമയം നടത്തുന്നതിനൊപ്പം ഏഴ് രാജ്യങ്ങളില്‍ നിന്നുള്ള എട്ട് ലോക നേതാക്കളുമായി അദ്ദേഹം ഉഭയകക്ഷി, ബഹുമുഖ കൂടിക്കാഴ്ചകള്‍ നടത്തുമെന്ന് വാര്‍ത്താ ഏജന്‍സിയായ പ്രസ് ട്രസ്റ്റ് ഓഫ് ഇന്‍ഡ്യ റിപോര്‍ട് ചെയ്തു. യൂറോപിലെ ഇന്‍ഡ്യന്‍ സമൂഹത്തിലെ ആയിരക്കണക്കിന് അംഗങ്ങളുമായും അദ്ദേഹം സംവദിക്കും.
യുക്രൈന്‍ അധിനിവേശത്തെ തുടര്‍ന്ന് റഷ്യയ്‌ക്കെതിരെ യൂറോപിന്റെ ഭൂരിഭാഗവും ഒന്നിച്ച സാഹചര്യത്തില്‍ പ്രധാനമന്ത്രി മോഡി മെയ് രണ്ട് മുതല്‍ ജര്‍മനി, ഡെന്മാര്‍ക്, ഫ്രാന്‍സ് എന്നിവിടങ്ങളിലേക്കാണ് സന്ദര്‍ശനം നടത്തുന്നത്. ആദ്യം ജര്‍മനിയിലേക്ക് പോകും, തുടര്‍ന്ന് ഡെന്മാര്‍ക് സന്ദര്‍ശിക്കും, മെയ് നാലിന് മടക്കയാത്രയില്‍ പാരീസില്‍ ഇറങ്ങും. റഷ്യയ്‌ക്കെതിരായ നിലപാടില്‍ ഇന്‍ഡ്യയെ ഒപ്പം നിര്‍ത്താന്‍ യൂറോപിലെ പല രാജ്യങ്ങളും നീക്കം നടത്തുന്നുണ്ട്.