വാഹനം ഓടിക്കുന്നതിനിടെ സ്കൂള് ബസ് ഡ്രൈവര് ഹൃദയാഘാതം മൂലം മരിച്ചു; വിദ്യാര്ഥികളെ അത്ഭുതകരമായി രക്ഷപ്പെടുത്തി
Mar 4, 2022, 08:46 IST
ADVERTISEMENT
ചെന്നൈ: (www.kvartha.com 04.03.2022) ഡ്രൈവിങ്ങിനിടെ സ്കൂള് ബസ് ഡ്രൈവര് ഹൃദയാഘാതം മൂലം മരിച്ചു. അപകടത്തിലായ വിദ്യാര്ഥികളെ അത്ഭുതകരമായി രക്ഷപ്പെടുത്തി. തമിഴ്നാട്ടിലെ കടലൂര് ജില്ലയിലാണ് സംഭവം നടന്നത്.
വാഹനം ഓടിക്കുന്നതിനിടെ സ്കൂള് ബസ് ഡ്രൈവര്ക്ക് ഹൃദയാഘാതം സംഭവിച്ച് സ്റ്റിയറിങ്ങില് കുഴഞ്ഞുവീഴുകയായിരുന്നു. ഡ്രൈവര് പ്രഭു (43) ആണ് മരിച്ചത്. ബസിലുണ്ടായിരുന്ന 12 വിദ്യാര്ഥികളെ നാട്ടുകാര് രക്ഷപ്പെടുത്തി.
സ്വകാര്യ സ്കൂളിന്റേതാണ് ബസ്. വ്യാഴാഴ്ച രാവിലെ വിദ്യാര്ഥികളെ സ്കൂളിലേക്ക് കൊണ്ടുപോകുന്നതിനിടെയാണ് പ്രഭുവിന് ഹൃദയാഘാതം ഉണ്ടായത്. ഡ്രൈവിംഗ് സീറ്റില് വീണതിനെ തുടര്ന്ന്് ബസ് മറിഞ്ഞെന്നാണ് റിപോര്ട്.
സമീപവാസികള് ഓടിയെത്തി ബസിനുള്ളില് ഉണ്ടായിരുന്ന 12 വിദ്യാര്ഥികളെ രക്ഷപ്പെടുത്തി. അപകടത്തില് വിദ്യാര്ഥികള്ക്ക് നിസാര പരിക്കേറ്റു. അപകടത്തെ തുടര്ന്ന് നാട്ടുകാര് ആംബുലന്സ് വിളിച്ച് ഡ്രൈവറെ ഉടന് തന്നെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയുമായിരുന്നു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
