കീഴ് കോടതിയുടെ വിധി മദ്രാസ് ഹൈകോടതി റദ്ദാക്കിയതിനെതിരെ സമർപിച്ച ഹർജിയിലാണ് സുപ്രീം കോടതി വിധി പുറപ്പെടുവിച്ചത്. കക്ഷികൾ 1999 സെപ്റ്റംബറിൽ വിവാഹം കഴിച്ചു. യുവതി ഗർഭിണിയായതിന് ശേഷം ജനുവരിയിൽ സ്വന്തം വീട്ടിലേക്ക് പോയി, 2000 ഓഗസ്റ്റിൽ അവർക്ക് കുട്ടി ജനിച്ചു. യുവതിയുടെ അച്ഛൻ അസുഖബാധിതനായി 2001 ഫെബ്രുവരിയിൽ മരിച്ചു, അതിനാൽ യുവതി അവിടത്തന്നെ താമസിച്ചു.
ഇതോടെ ഭർത്താവ് മാർചിൽ വിവാഹമോചനത്തിന് അപേക്ഷിച്ചു, കുടുംബ കോടതി അദ്ദേഹത്തിന്റെ അപേക്ഷ അംഗീകരിക്കുകയും 2004-ൽ വിവാഹമോചനം അനുവദിക്കുകയും ചെയ്തു. തുടർന്ന് യുവതി ഹൈകോടതിയിൽ അപീൽ നൽകി, എന്നാൽ യുവതിയുടെ ഹർജി പരിഗണിക്കുന്നതിനുമുമ്പ് 2001 ഒക്ടോബറിൽ ഭർത്താവ് പുനർവിവാഹം കഴിച്ചു. ഹൈകോടതി ഭാര്യക്ക് അനുകൂലമായി വിധിക്കുകയും ഭർത്താവ് സുപ്രീം കോടതിയിൽ അപീൽ നൽകുകയും ആയിരുന്നു.
കേസ് പരിഗണിച്ച സുപ്രീം കോടതി ബെഞ്ച് ഭാര്യയുടെ പെരുമാറ്റം കുറ്റമറ്റതാണെന്ന നിഗമനത്തിൽ എത്തിയെങ്കിലും 22 വർഷമായി ഇരുവരും വേർപിരിഞ്ഞ് താമസിക്കുകയും വിവാഹമോചനം നേടിയ ഉടൻ തന്നെ ഭർത്താവ് പുനർവിവാഹം ചെയ്യുകയും ചെയ്തതിനാൽ കേസിന്റെ പ്രത്യേകത കണക്കിലെടുത്ത് വിവാഹം വേർപെടുത്താൻ നിർദേശിച്ചു. ഇരുഭാഗവും കേട്ട ശേഷം, ഹൈകോടതി ഉത്തരവ് ശരിവച്ച സുപ്രീം കോടതി, കുട്ടിക്ക് ജന്മം നൽകിയ ശേഷം വിവാഹമോചനം തേടാൻ കോടതിയിലേക്ക് ഓടിയ ഭർത്താവിന്റെ പെരുമാറ്റത്തെയും ചോദ്യം ചെയ്തു.
'ഭാര്യ തിരികെ വരുന്നില്ല, അവൾ ഗർഭിണിയായതിനാൽ മാതാപിതാക്കളുടെ വീട്ടിലേക്ക് പോകേണ്ടി വന്നു എന്ന് വ്യക്തമാണ്. ഇത് സ്വാഭാവികമായിരുന്നു. ചൂണ്ടിക്കാണിച്ചതുപോലെ ഗർഭം സുഗമമായിരുന്നില്ല. ഭാര്യയാണെങ്കിൽ. കുട്ടിയുടെ പ്രസവശേഷം അവളുടെ മാതാപിതാക്കളുടെ വീട്ടിൽ കുറച്ചുകാലം കൂടി താമസിക്കാൻ തീരുമാനിച്ചു, ഇത്തരമൊരു കേസ് എങ്ങനെ കോടതിയിൽ കൊണ്ടുവന്നുവെന്നത് ഞങ്ങൾക്ക് മനസിലാക്കാവുന്നതിലും അപ്പുറമാണ്, അതിലും പ്രധാനമായി ന്യായമായ ഒരു കാലയളവ് പോലും കാത്തിരിക്കാതെ. ഭർത്താവ് താൻ ഒരു കുട്ടിയുടെ പിതാവാണെന്ന കാര്യം പോലും മനസിൽ വെച്ചില്ല, കോടതിയിൽ ഓടിച്ചെന്ന് വിവാഹമോചനം ആവശ്യപ്പെട്ട് ഹർജി ഫയൽ ചെയ്യുന്നു. യുവതിയുടെ പിതാവിന്റെ മരണം ഞങ്ങൾക്ക് മറക്കാൻ കഴിയില്ല' - വിധിയിൽ പറയുന്നു.
കക്ഷികൾ തമ്മിലുള്ള ബന്ധം മരവിച്ചിരിക്കുകയാണെന്നും കുട്ടിയുടെ ജനനത്തോടെയും ഭർത്താവിന്റെ രണ്ടാം വിവാഹത്തോടെ സ്ഥിതി കൂടുതൽ സങ്കീർണമായെന്നും ചൂണ്ടിക്കാട്ടിയ ബെഞ്ച്, എല്ലാ കക്ഷികളുടെയും താൽപര്യം കണക്കിലെടുത്ത് വിവാഹം വേർപെടുത്തി ഭർത്താവിന് നിർദേശം നൽകുമെന്ന് പറഞ്ഞു. യുവതിക്ക് ഭർത്താവ് 20 ലക്ഷം രൂപ നൽകാനും വിധിച്ചു.
Keywords: 'Staying with parents during pregnancy not divorce cause': SC, National, Newdelhi, News, Top-Headlines, Parents, Divorce, Pregnant Woman, Court, Husband, Judgement.
< !- START disable copy paste -->