എസ് ബി ഐ അയയ്ക്കുന്ന സന്ദേശങ്ങള്‍ തിരിച്ചറിയാന്‍ എപ്പോഴും ബാങ്ക് നല്‍കുന്ന കോഡ് ശ്രദ്ധിക്കണമെന്നും സന്ദേശത്തില്‍ പറയുന്നു. എസ് ബി ഐയുടെ ട്വീറ്റ് എസ് എം എസ് വഴി വ്യാപകമായി പ്രചരിക്കുന്ന സന്ദേശങ്ങളും ഉള്‍പെടുത്തിയിട്ടുണ്ട്.
''#YehWrongNumberHai, KYC തട്ടിപ്പിന്റെ ഒരു ഉദാഹരണം ഇതാ. അത്തരം സന്ദേശം ഒരു വഞ്ചനയിലേക്ക് നയിച്ചേക്കാം, നിങ്ങളുടെ സമ്പാദ്യം മുഴുവന്‍ നഷ്ടപ്പെടാം. ഇതില്‍ പറഞ്ഞിരിയ്ക്കുന്ന ലിങ്കുകളില്‍ ക്ലിക് ചെയ്യരുത്. എസ്എംഎസ് ലഭിക്കുമ്പോള്‍ എസ്ബിഐയുടെ ഹ്രസ്വ കോഡ് പരിശോധിക്കുക. ജാഗ്രത പാലിക്കുക, #SafeWithSBI തുടരുക.', എസ് ബി ഐയുടെ ട്വീറ്റില്‍ പറയുന്നു.
എസ് ബി ഐ യുടെ സന്ദേശത്തില്‍ പറയുന്ന പ്രധാന കാര്യങ്ങള്‍ ഇങ്ങനെ:
1. എസ് ബി ഐ അയയ്ക്കുന്ന സന്ദേശങ്ങള്‍ക്ക് സമാനമായ രീതിയിലാണ് ഇത്തരം തട്ടിപ്പ് സന്ദേശങ്ങള്‍ എത്തുക
2. ഈ വ്യാജ എസ് എം എസ് സന്ദേശങ്ങളില്‍ ഒരു ലിങ്ക് ഉണ്ടായിരിക്കും. അബദ്ധവശാല്‍ അതില്‍ ക്ലിക് ചെയ്താല്‍ ഹാകര്‍മാര്‍ക്ക് ഉപഭോക്താവിന്റെ ബാങ്ക് അകൗണ്ടിലേക്ക് കടക്കാന്‍ സാധിക്കും. പിന്നീട് എന്തു സംഭവിക്കും എന്ന് പറയേണ്ടതില്ല. നിമിഷങ്ങള്‍ക്കുള്ളില്‍ നിങ്ങളുടെ അകൗണ്ട് ശൂന്യമാകും.
3 . എസ് എം എസ് വഴി ബാങ്ക് ഒരിയ്ക്കലും കെ വൈ സി ആവശ്യപ്പെടില്ല എന്ന കാര്യം ഓര്‍ക്കുക.
4. കെ വൈ സി ആവശ്യപ്പെട്ടുകൊണ്ടുള്ള വ്യാജ മെസേജ് ഇപ്രകാരമാണ്. 'പ്രിയ ഉപഭോക്താവേ, നിങ്ങളുടെ എസ് ബി ഐ രേഖകള്‍ കാലഹരണപ്പെട്ടു. നിങ്ങളുടെ അകൗണ്ട് 24 മണിക്കൂറിനുള്ളില്‍ ബ്ലോക് ചെയ്യപ്പെടും. ദയവായി ഇവിടെ ക്ലിക് ചെയ്ത് നിങ്ങളുടെ കെ വൈ സി അപ്ലോഡ് ചെയ്യുക- http://ibti(dot)ly/oMwK.
5. ഇത്തരം തട്ടിപ്പുകളില്‍ പെടാതിരിയ്ക്കാന്‍ എസ് ബി ഐ മുന്നറിയിപ്പ് നല്‍കുന്നു. എസ് ബി ഐ നല്‍കുന്ന സന്ദേശം ഇപ്രകാരമാണ്. എസ് എം എസ് വഴി ലിങ്ക് നല്‍കി എസ് ബി ഐ ഒരിയ്ക്കലും കെ വൈ സി ആവശ്യപ്പെടില്ല. ജാഗരൂകരായിരിക്കുക, #StaysafwithSBI'
ഇത്തരം സന്ദേശങ്ങള്‍ ലഭിക്കുകയാണെങ്കില്‍ വളരെ ശ്രദ്ധാലുവായിരിക്കാനും പ്രതികരിക്കാതിരിക്കാനും ശ്രദ്ധിക്കുക.
Keywords: SBI Alerts Customers Against KYC Fraud, Warns Them Not to Click on Cryptic Links. Read Details Here, New Delhi, News, Business, Banking, Bank, SBI, Message, Cheating, National.