ടാറ്റ കൺസൾടൻസി സർവീസസുമായി (TCS) സഹകരിച്ച് 4ജി സേവനങ്ങൾ വിജയകരമായി പരീക്ഷിച്ചതായി കംപനി പുറത്തിറക്കിയ പ്രസ്താവനയിൽ പറഞ്ഞു. മറ്റൊരു പരീക്ഷണം അടുത്ത ഏഴ് മുതൽ 10 ദിവസങ്ങൾക്കുള്ളിൽ പൂർത്തിയാകും, അതിനുശേഷം മെട്രോയിലും പ്രധാന നഗരങ്ങളിലും 4G സേവനങ്ങൾ ആരംഭിക്കും.
ഇതിനായി, ബിഎസ്എൻഎൽ ഇതിനകം തന്നെ അതിന്റെ നെറ്റ്‌വർകുകളും അടിസ്ഥാന സൗകര്യങ്ങളും നവീകരിച്ചു. നാലോ ആറോ മാസത്തിനുള്ളിൽ സേവനങ്ങൾ ആരംഭിക്കാൻ കഴിയുന്ന 4ജി സേവനങ്ങൾക്കായി 1.6 ലക്ഷം സ്ഥലങ്ങൾ ഒരുക്കിയിട്ടുണ്ടെന്ന് ബിഎസ്എൻഎൽ അധികൃതർ പറഞ്ഞു. കഴിഞ്ഞ കുറച്ച് വർഷങ്ങളായി 4ജി സേവനങ്ങളുടെ അഭാവം കാരണം, ധാരാളം ബിഎസ്എൻഎൽ ഉപഭോക്താക്കൾ റിലയൻസ് ജിയോ, എയർടെൽ, വോഡഫോൺ ഐഡിയ തുടങ്ങിയ സ്വകാര്യ ടെലികോം സേവനദാതാക്കളിലേക്ക് മാറി. ഇതോടെ വരുമാനവും വിപണി വിഹിതവും ഗണ്യമായി കുറഞ്ഞു.
അതേസമയം റിലയൻസ് ജിയോ, എയർടെൽ, വോഡഫോൺ ഐഡിയ തുടങ്ങിയ സ്വകാര്യ ടെലികോം കംപനികൾ 5ജി സേവനങ്ങൾ കൊണ്ടുവരാൻ ഒരുങ്ങുകയാണ്. മെയ് മാസത്തിൽ സ്പെക്‌ട്രം ലേല നടപടികൾ ആരംഭിക്കുമെന്നാണ് സർകാരിന്റെ പ്രസ്താവന. ഏതാനും മാസങ്ങൾക്കുശേഷം സ്വകാര്യ കംപനികളുടെ 5ജി നെറ്റ്‌വർകും വിപണിയിലെത്തും. അത്തരമൊരു സാഹചര്യത്തിൽ, 5ജി യുഗത്തിൽ, ബിഎസ്എൻഎലിന്റെ 4ജി എത്ര ഉപഭോക്താക്കളെ ആകർഷിക്കാൻ കഴിയുമെന്ന് കണ്ടറിയണം.
Keywords: News, National, New Delhi, Top-Headlines, Technology, Mobile Phone, Sim card, BSNL, Central Government, Jio, AIRTEL, BSNL, BSNL 4G, RELIANCE JIO, TELECOM NEWS, Bsnl Launch 4g Services To Compete.
< !- START disable copy paste -->