12-ാം നിലയിലെ ബാല്‍കണിയില്‍ തൂങ്ങി 56 കാരന്റെ വ്യായാമം; ഒന്നു കൈയിളകിയാല്‍ താഴെ; ഭയപ്പെടുത്തുന്ന സംഭവത്തിന്റെ വീഡിയോ സോഷ്യല്‍ മീഡിയകളില്‍ വൈറല്‍

സൊസൈറ്റിയുടെ 12-ാം നിലയിലെ ബാല്‍കണിയുടെ റെയിലിംഗില്‍ മുറുകെപ്പിടിച്ച് വ്യായാമം ചെയ്യുന്നതാണ് വീഡിയോ. എതിര്‍ കെട്ടിടത്തില്‍ താമസിക്കുന്ന ഒരാളാണ് അപകടകരമായ വ്യായാമത്തിന്റെ വീഡിയോ പകര്‍ത്തിയതെന്ന് കരുതുന്നു.

56 കാരനായ ഇയാള്‍ മാനസികമായി അസ്വസ്ഥനാണെന്ന് സൊസൈറ്റി പ്രസിഡന്റ് ദീപക് മാലിക് പറഞ്ഞു. 28 വയസ്സുള്ള ഒരു മകനുമുണ്ട്. സംഭവത്തിന് ശേഷം, ആര്‍ ഡബ്ല്യൂ എ ഉദ്യോഗസ്ഥര്‍ ഇയാളെ പരിശോധിക്കാന്‍ കുടുംബാംഗങ്ങള്‍ക്ക് നിര്‍ദേശം നല്‍കിയിട്ടുണ്ട്.

അടുത്തിടെ ഫരീദാബാദ് ഹൈറേസിലെ ഒമ്പതാം നിലയിലെ പൂട്ടിയ വീടിന്റെ ബാല്‍കണിയില്‍ വീണ സാരി എടുക്കാന്‍ ഒരു സ്ത്രീ മകനെ ബെഡ്ഷീറ്റ് ചുരുട്ടിയിട്ട് താഴെ ഇറക്കിയ സംഭവം വാര്‍ത്തയായിരുന്നു. കഴിഞ്ഞയാഴ്ച ഫരീദാബാദിലെ സെക്ടര്‍ 82ലെ സൊസൈറ്റിയിലാണ് ഈ സംഭവം നടന്നതെന്ന് റിപോര്‍ടുകള്‍ പറയുന്നു.

അമ്മയും മറ്റ് കുടുംബാംഗങ്ങളും കുട്ടിയെ ബെഡ്ഷീറ്റ് വഴി താഴെയിറക്കുന്നതാണ് വീഡിയോ. തന്റെ മകന്റെ ജീവന്‍ അപകടത്തിലാക്കിയതിന് യുവതിയെ വിമര്‍ശിച്ച വീഡിയോ ഏറെ പ്രകോപനം സൃഷ്ടിച്ചിരുന്നു. ഭാഗ്യവശാല്‍ കുട്ടി അപകടമൊന്നും സംഭവിക്കാതെ തിരിച്ചെത്തുകയും ചെയ്തിരുന്നു. സംഭവം വിവാദമായതോടെ കുട്ടിയുടെ അമ്മ ചെയ്ത പ്രവര്‍ത്തിയില്‍ ഖേദം പ്രകടിപ്പിച്ചിരുന്നു.