ലോകമെമ്പാടുമുള്ള നാലില്‍ മൂന്നു പേരും ഒറ്റത്തവണ ഉപയോഗിക്കുന്ന പ്ലാസ്റ്റികുകള്‍ നിരോധിക്കണമെന്ന് ആവശ്യപ്പെടുന്നതായി ആഗോള സര്‍വേയുടെ കണ്ടെത്തല്‍
Feb 22, 2022, 16:20 IST
ന്യൂഡെല്‍ഹി: (www.kvartha.com 22.02.2022) ലോകമെമ്പാടുമുള്ള നാലില്‍ മൂന്നു പേരും ഒറ്റത്തവണ ഉപയോഗിക്കുന്ന പ്ലാസ്റ്റികുകള്‍ എത്രയും വേഗം നിരോധിക്കണമെന്ന് ആഗ്രഹിക്കുന്നതായി ആഗോള സര്‍വേയുടെ കണ്ടെത്തല്‍. ചൊവ്വാഴ്ച പുറത്തിറക്കിയ വോടെടുപ്പ് പ്രകാരം, കുതിച്ചുയരുന്ന പ്ലാസ്റ്റിക് മലിനീകരണം നിയന്ത്രിക്കുന്നതിനുള്ള ആഗോള ഉടമ്പടിയെക്കുറിച്ചുള്ള ചര്‍ച്ചകള്‍ ആരംഭിക്കാന്‍ യുഎന്‍ അംഗങ്ങള്‍ തയാറെടുക്കുന്നതായും അറിയുന്നു.
28 രാജ്യങ്ങളിലായി 20,000-ത്തിലധികം ആളുകളുടെ ഐ പി എസ് ഒ എസ് വോടെടുപ്പ് അനുസരിച്ച്, നിരോധനത്തിനായി ആവശ്യപ്പെടുന്ന ആളുകളുടെ എണ്ണം 2019 മുതല്‍ 71% ല്‍ നിന്ന് ഉയര്‍ന്നു, അതേസമയം കുറഞ്ഞ പ്ലാസ്റ്റിക് പാകേജിംഗ് ഉള്ള ഉല്‍പന്നങ്ങളെ ഇഷ്ടപ്പെടുന്നുവെന്ന് പറഞ്ഞവര്‍ 75% ല്‍ നിന്ന് 82% ആയി ഉയര്‍ന്നു.
2015 ലെ കാലാവസ്ഥാ വ്യതിയാനത്തെക്കുറിച്ചുള്ള പാരീസ് ഉടമ്പടിക്ക് ശേഷമുള്ള ഏറ്റവും പ്രധാനപ്പെട്ട പാരിസ്ഥിതിക ഉടമ്പടിയായി വിശേഷിപ്പിക്കപ്പെടുന്ന, പ്ലാസ്റ്റിക് മാലിന്യങ്ങള്‍ കൈകാര്യം ചെയ്യുന്നതിനുള്ള ഉടമ്പടിയുമായി മുന്നോട്ട് പോകാന്‍ ഈ മാസം നെയ്റോബിയില്‍ യോഗം ചേരുന്ന സര്‍കാരുകള്‍ക്ക് വ്യക്തമായ സന്ദേശം നല്‍കുന്നുവെന്നും പ്രവര്‍ത്തകര്‍ പറയുന്നു.
'ലോകമെമ്പാടുമുള്ള ആളുകള്‍ അവരുടെ കാഴ്ചപ്പാടുകള്‍ വ്യക്തമാക്കിയിട്ടുണ്ട്.' 'ആഗോള പ്ലാസ്റ്റിക് ഉടമ്പടി സ്വീകരിക്കാനുള്ള ബാധ്യതയും അവസരവും ഇപ്പോള്‍ സര്‍കാരുകള്‍ക്കാണ് ... അതിനാല്‍ നമുക്ക് പ്ലാസ്റ്റിക് മലിനീകരണം ഇല്ലാതാക്കാം' എന്ന് ഡബ്യൂ എഫ് എഫ് ഇന്റര്‍നാഷനലിന്റെ ഡയറക്ടര്‍ ജെനറല്‍ മാര്‍കോ ലാംബെര്‍ടിനി പറഞ്ഞു.
സര്‍വേയില്‍ പങ്കെടുത്തവരില്‍ ഏകദേശം 90% പേരും തങ്ങള്‍ കരാറിനെ പിന്തുണയ്ക്കുന്നതായി പറഞ്ഞു. എന്നാല്‍ അത്തരത്തിലുള്ള ഏതെങ്കിലും ഇടപാട് മാലിന്യ ശേഖരണത്തിലും പുനരുപയോഗത്തിലും ശ്രദ്ധ കേന്ദ്രീകരിക്കുമോ അതോ വലിച്ചെറിയുന്ന പ്ലാസ്റ്റികുകളുടെ ഉല്‍പാദനവും ഉപയോഗവും തടയുന്നത് പോലുള്ള കൂടുതല്‍ സമൂലമായ നടപടികള്‍ സ്വീകരിക്കുമോ എന്ന് കണ്ടറിയണം.
വന്‍കിട എണ്ണ, രാസ വ്യവസായ ഗ്രൂപുകള്‍, എണ്ണയില്‍ നിന്നും വാതകത്തില്‍ നിന്നും നിര്‍മിച്ചതും അവരുടെ വരുമാനത്തിന്റെ പ്രധാന സ്രോതസുമായ പ്ലാസ്റ്റിക് ഉല്‍പാദനം പരിമിതപ്പെടുത്തുന്ന ഏതൊരു ഇടപാടും നിരസിക്കാന്‍ കോണ്‍ഫറന്‍സില്‍ പങ്കെടുക്കുന്നവരെ പ്രേരിപ്പിക്കുന്നതിനുള്ള തന്ത്രങ്ങള്‍ ആവിഷ്‌കരിക്കുകയാണെന്ന് റോയിടേഴ്‌സ് കഴിഞ്ഞ ആഴ്ച വെളിപ്പെടുത്തി.
പ്ലാസ്റ്റിക് മലിനീകരണത്തിന് തടയിടാനുള്ള കരാറില്‍ ഐക്യരാഷ്ട്രസഭയ്ക്ക് യോജിക്കാന്‍ കഴിയുന്നില്ലെങ്കില്‍, വരും ദശകങ്ങളില്‍ വ്യാപകമായ പാരിസ്ഥിതിക നാശം സംഭവിക്കും, ഇത് ചില സമുദ്രജീവികളെ വംശനാശ ഭീഷണിയിലാക്കുകയും പവിഴപ്പുറ്റുകളും കണ്ടല്‍ക്കാടുകളും പോലുള്ള സെന്‍സിറ്റീവ് ആവാസവ്യവസ്ഥകളെ നശിപ്പിക്കുകയും ചെയ്യും എന്ന ഡബ്യൂ എഫ് എഫിന്റെ പഠനം ഈ മാസം പുറത്തിറങ്ങി.
ഏതെങ്കിലും ഉടമ്പടിക്ക് അന്തിമരൂപം നല്‍കാന്‍ കുറഞ്ഞത് രണ്ട് വര്‍ഷമെടുക്കും. എന്നാല്‍ ഫെബ്രുവരി 28 മുതല്‍ മാര്‍ച് രണ്ടു വരെയുള്ള നെയ്റോബി കോണ്‍ഫറന്‍സില്‍ ധാരണയിലെത്തുന്നത് ഏതൊരു ഇടപാടിന്റെയും പ്രധാന ഘടകങ്ങളെ നിര്‍ണയിക്കും.
ഒറ്റത്തവണ ഉപയോഗിക്കാവുന്ന പ്ലാസ്റ്റിക് നിരോധനത്തിന് വോടെടുപ്പില്‍ ഏറ്റവും വലിയ പിന്തുണ ലഭിച്ചത് മാലിന്യ പ്രതിസന്ധി രൂക്ഷമായ വികസ്വര രാജ്യങ്ങളായ കൊളംബിയ, മെക്‌സിക്കോ, ഇന്‍ഡ്യ എന്നിവിടങ്ങളില്‍ നിന്നാണ്.
ആഗോളതലത്തില്‍ പ്രതികരിച്ചവരില്‍ 85% പേരും പ്ലാസ്റ്റിക് പാകേജിംഗ് കുറയ്ക്കുന്നതിനും പുനരുപയോഗിക്കുന്നതിനും റീസൈകിള്‍ ചെയ്യുന്നതിനും നിര്‍മാതാക്കളും റീടെയിലര്‍മാരും ഉത്തരവാദികളായിരിക്കണമെന്ന് ആഗ്രഹിക്കുന്നവരമാണ്. മുമ്പ് ഇത് 80% ആയിരുന്നുവെന്ന് ഐപി എസ് ഒ എസ് പോള്‍ കാണിക്കുന്നു.
Keywords: Three in four people people want single-use plastics banned, global survey finds, New Delhi, News, Voters, Meeting, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
