പരമരഹസ്യം! പഞ്ചാബ് തെരഞ്ഞെടുപ്പില്‍ സയാമീസ് ഇരട്ടകള്‍ ഒരുമിച്ച് രണ്ട് വോട് ചെയ്തു, ആര്‍ക്കാണെന്നറിയാന്‍ ആകാംക്ഷ

'ഇത് വളരെ സവിശേഷമായ ഒരു കേസാണ്. ശരിയായ വീഡിയോഗ്രാഫി ചെയ്യാന്‍ തെരഞ്ഞെടുപ്പ് കമിഷന്‍ ഞങ്ങളോട് പറഞ്ഞു. അവര്‍ ഒത്തുചേര്‍ന്നവരാണ്, എന്നാല്‍ രണ്ട് വ്യത്യസ്ത വോടെര്‍മാരാണ്. വോടിംഗിന്റെ രഹസ്യം കാത്തുസൂക്ഷിക്കുന്നതിന് അവര്‍ക്ക് കണ്ണടകള്‍ നല്‍കാനുള്ള ക്രമീകരണങ്ങള്‍ ചെയ്തു,' ഉദ്യോഗസ്ഥര്‍ പറഞ്ഞു.

സോഹ്ന-മോഹന എന്ന് ഓമനപ്പേരുള്ള സോഹന്‍ സിംഗിനും മോഹന്‍ സിങ്ങിനും കഴിഞ്ഞ വര്‍ഷം 18 വയസ്സ് തികഞ്ഞു. ഇവരെ രണ്ട് വോടെര്‍മാരായി പരിഗണിക്കാന്‍ തെരഞ്ഞെടുപ്പ് കമിഷന്‍ തീരുമാനിച്ചതിനെ തുടര്‍ന്നാണ് രണ്ട് വോടെര്‍ ഐ ഡി കാര്‍ഡുകള്‍ നല്‍കിയത്.

ജനിച്ചയുടനെ ഈ ഇരട്ടക്കുട്ടികളെ ഡെല്‍ഹിയിലെ ആശുപത്രിയില്‍ മാതാപിതാക്കള്‍ ഉപേക്ഷിച്ചു. ഇരട്ടകള്‍ക്ക് രണ്ട് ഹൃദയങ്ങള്‍, രണ്ട് ജോഡി കൈകള്‍, വൃക്കകള്‍, സുഷുമ്നാ നാഡികള്‍ എന്നിവയുണ്ട്. എന്നാല്‍ ഒരൊറ്റ കരള്‍, പിത്താശയം, പ്ലീഹ, ഒരു ജോഡി കാലുകള്‍.

പിന്നീട് അവരെ എയിംസിലേക്ക് മാറ്റി, അവിടെ വെച്ച് ഒരാളുടെ ജീവന്‍ നഷ്ടപ്പെടാന്‍ ഇടയുള്ളതിനാല്‍ അവരെ വേര്‍പെടുത്തേണ്ടെന്ന് ഡോക്ടര്‍മാര്‍ തീരുമാനിച്ചു. തുടര്‍ന്ന് ഇവരെ അമൃത്സറിലെ പിംഗല്‍വാരയിലെ വീട്ടിലേക്ക് മാറ്റി.

ഐ ടി ഐയില്‍ നിന്ന് ഇലക്ട്രീഷ്യന്‍ ഡിപ്ലോമ പൂര്‍ത്തിയാക്കിയ സോഹ്ന-മോഹനയ്ക്ക് കഴിഞ്ഞ വര്‍ഷം പഞ്ചാബ് സ്റ്റേറ്റ് പവര്‍ കോര്‍പറേഷന്‍ ലിമിറ്റഡില്‍ ജോലി ലഭിച്ചു.

Conjoined twins, Sohna and Mohna, cast their votes at polling booth no.101 in Manawala, Amritsar. #PunjabElections pic.twitter.com/qx2pxuJ2N9

— ANI (@ANI) February 20, 2022

Keywords:   Punjab polls: Conjoined twins Sohna, Mohna cast 2 votes; goggles keep secrecy, Panjab, Assembly Election, Voters, Election Commission, Secret, National, Politics.