തിരുവനന്തപുരം: (www.kvartha.com 22.02.2022) മുന്‍മന്ത്രിയും സി പി എം സഹയാത്രികനുമായ കെ ടി ജലീല്‍ എം എല്‍ എയുടെ പുസ്തകം പുറത്തിറങ്ങുന്നു. 'പച്ച കലര്‍ന്ന ചുവപ്പ്' എന്നാണ് ആത്മകഥാംശം ഉള്‍കൊള്ളുന്ന പുസ്തകത്തിന്റെ പേര്. ചിന്ത പബ്ലികേഷന്‍സ് ആണ് പുസ്തകം പുറത്തിറക്കുന്നത്.
എം ശിവശങ്കറിന്റെ ആത്മകഥയ്ക്ക് പിന്നാലെ സ്വര്‍ണക്കടത്ത് കേസ് വീണ്ടും വാര്‍ത്തകളില്‍ നിറഞ്ഞുനില്‍ക്കുന്ന പശ്ചാത്തലത്തിലാണ് ജലീലിന്റെ പുസ്തകത്തെക്കുറിച്ചുള്ള പ്രഖ്യാപനവും പുറത്തെത്തുന്നത്.
സ്വര്‍ണക്കടത്ത് കേസും ലോകായുക്തയുടെ നീക്കങ്ങളും അടക്കം ജലീലുമായി ബന്ധപ്പെട്ട് ഉയര്‍ന്നുവന്ന എല്ലാ വിവാദങ്ങളും വിശദമായി പരാമര്‍ശിക്കുന്ന പുസ്തകം ചില പുതിയ വെളപ്പെടുത്തലുകള്‍ കൂടി ഉള്‍കൊള്ളുന്നതാകുമെന്നാണ് വിവരം.
